Luka 23:35 - Maləmce Məfele mala Ɓakuli: Kurcau Məbəshe

³⁵ Ɓwapǝndǝa came aban sǝnban, sǝ aɓwana-mǝgule oali, ama, “Kǝ amsǝ aɓea aɓwana, ɓǝ̀ amsǝ ɓamuri, ɓǝ̀ yì ka, nda Kǝrǝsti, Mǝ'amsǝban mǝnana Ɓakuli tarì ka!”

Luka 23:35 ပူးပေါင်းရင်းမြစ်များ

Matiu 12:18

“Guro mem mǝnana ǝn tarì ka ndya ka, mǝnana ǝn nggǝ earce sǝ bumam kǝ pwasǝa rǝì ka. Mǝ nǝ tsǝki wi Bangŋo mem amuri, sǝ yì ka nǝ̀ hamnǝ ɓashi mem mǝ'mǝsǝcau nì aban aɓwana a ɓanza ama à nǝ̀ kum amsǝban a buam.

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Luka 16:14

Sǝ yia amǝ Farisi mǝnana amǝ earce boalo na ka, à nǝ̀ ok mǝnia yì acau ka, à sonzǝkì Yesu ngge.

Luka 23:13

Bilatus tunǝ agbani pǝris, andǝ aɓwana-mǝgule, andǝ acilia aɓwana.

Luka 23:39

Mwashat ata amǝ'ɓealɓikea mǝnana à gballia a kano ka, lo ne Yesu cau kyauwikiban gbal ama, “A nda Kǝrǝsti mbak? Amsǝ ɓamuro sǝ wu amsǝ sǝm!”

1 Bitǝrus 2:4

Wu yiu aban Kǝrǝsti, yì tali mǝyilǝmuì, mǝnana aɓwana ginǝki, sǝ Ɓakuli twali acemǝnana abani ka ndanǝ ɓoaro ka.