Luka 23:34 - Maləmce Məfele mala Ɓakuli: Kurcau Məbəshe

³⁴ Pǝlǝa Yesu na ama, “Dâ, twalia wia banì, acemǝnana à surǝ gir mana à pakki ka ɗang.” Pǝlǝa à ko caca amur agir-nggurǝu male, à gakia rǝia.

Luka 23:34 ပူးပေါင်းရင်းမြစ်များ

Matiu 11:25

A pwari mǝno ka Yesu na ama: Ən nggǝ ɓwangsǝo, we Dâ, mǝtala kuli andǝ nzali, ace mǝnana a sǝmbǝrǝ agir mǝnia ka arǝ amǝ'sǝlǝgir andǝ amǝ sǝlǝcau, sǝ a lǝmndǝia a banfana aban amǝ'ɗwanyi-sǝle.

Matiu 11:26

E, Dâ, anggo sǝ ɓoarô ama ɓǝ̀ pa.

Matiu 5:44

Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pak hiwi ace aɓwana mǝnana à ɓinǝ mǝsǝ wun sǝ à kǝ pa wun tanni ka.

Markus 15:24

Pǝlǝa à gballì amur nggun-gangndi. À ko caca, à gaki agir-nggurǝu male.

Luka 22:42

ama, “Dâ, ɓǝ̀ a wu nǝ ear ka, twalam mǝnia yì kwap mala tanni ka: sǝ mǝnia ka kane mem ma ɗang, ɓǝ̀ do ama kane mo na.”

Yohana 17:9

Hiwi mem ngga, pà ace ɓanza ɗang, nda kǝ cea, aɓwana mǝnana a pam ngga, acemǝnana yia ka amo na.

Yohana 19:11

Yesu eari wi ama, “A pà nǝ kum rǝcandǝa a muram ɗang, yi mǝnana ɓǝ̀ Ɓakuli pa mo raka. Ace mǝno ka, ɓwa mǝnana tasǝam aɓa buo ka, cauɓikea male gulo kuti mo.”

Amǝ Mishan 16:28

Sǝ Bulǝs sà a rǝi ɓwam ama, “Came, kǝa wal ɓamuro ɗang! Sǝm ndakani kat!”

Amǝ Mishan 3:17

Ado ka, wun amǝ'eamrǝarǝu, ǝn sǝlǝna ama gir mǝnana wun, wunǝa aɓwana-mǝgule ma'wun pakki Yesu ka, wu pe aɓa ɗwanyi sǝlǝe.

Amǝ Mishan 7:60

Pǝlǝa ɓun amur ankuni loasǝ gi nǝ rǝcandǝa ama, “Mǝtalabangŋo, kǝa bwalia nǝ mǝnia yì cauɓikea ka amuria ɗang.” Lang bangŋǝna anggo ka, kara kuni kumsǝo.

Amǝ Roma 12:14

Wu tsǝki aɓwana mǝnana à kǝ pa wun tanni ka bu; wu tsǝkia wia bu, ce wu suia ɗang.

1 Amǝ Korinti 2:8

Kǝɓwa pà kàm aɓalǝ amurǝma mala nza man mǝnana surǝ mǝnia yì sǝlǝe ka ɗang. Ɓǝa pǝlǝa ama à surǝni ka, ɓǝ́ à gballì ma Mǝtalabangŋo mǝnana nǝ gulo kat ka ɗang.

1 Amǝ Korinti 4:12

Sǝm pak turo nǝ bu sǝm kǝrkǝr. Lang aɓwana sang sǝm ngga, sǝm tsǝki wia bu; lang à pà sǝm tanni ka, sǝm bwal bum sǝm.

1 Timoti 1:13

kat andǝ amani ama ɗiɗyal ka, ǝn zalǝki nǝ kunam, ǝn pe aɓwana male tanni, sǝ ǝn lǝmndǝì wi ɓeal ɓǝsǝkiban ngga. Sǝ Ɓakuli ka sǝn mǝsǝswatǝr mem, acemǝnana ǝn pe aɓa ɗwanyi sǝlǝe andǝ ɗwanyi paɓamuru abanì.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.