Luka 23:2 - Maləmce Məfele mala Ɓakuli: Kurcau Məbəshe

² Pǝlǝa à tita tsǝki wi acau a rǝì ama, “Sǝm kum mǝnia yì ɓwa ka aban soakita aɓwana, ama ɓǝa kǝa pe Kaisar, murǝm mǝgule mala amǝ Roma, boalo-cemi ɗang. Ɗǝm ngga kǝ na ama, yì ka, nda Kǝrǝsti, Mǝ'amsǝban mǝnana Ɓakuli turi ka, sǝ kǝ ne rǝì ama murǝm na.”

Luka 23:2 ပူးပေါင်းရင်းမြစ်များ

Matiu 17:27

Sǝ ace mǝnana ɓǝ̀ sǝm ka lul bumia raka, kyane a kun nggeamur kya tur nli. Nji mǝnana a nǝ tita bwale ka, mǝn kuni, a wu nǝ kum boalo kam. Twali kya mbwe na boalo-cemi ma'sǝm nǝi, mem andǝ mo.”

Matiu 22:21

À eari wi ama, “Mala Kaisar na.” Pǝlǝa nea wia ama, “Gir mǝnana mala Kaisar na ka wu pe Kaisar, sǝ mǝnana mala Ɓakuli na ka wu pe Ɓakuli.”

Matiu 27:11

Yesu yi came a ɓadǝm Bilatus ɓwa Roma, nggwamna amur bu-nzali Yahudi. Nggwamna ɗi ama, “A nda murǝm mala amǝ Yahudi le?” Yesu eari wi ama, “E, nda kǝla mǝnana a bang ngga.”

Markus 12:17

Pǝlǝa Yesu nea wia ama, “Wu pe Kaisar gir mǝnana mala Kaisar na ka, sǝ wu pe Ɓakuli gir mǝnana mala Ɓakuli na ka.” Kara yia ka à ndali kǝrkǝr nǝ nyesǝcau male.

Markus 15:2

Bilatus ɗi Yesu ama, “A nda murǝm mala amǝ Yahudi le?” Yesu eari wi ama, “E, kǝ ndo a ne ka.”

Luka 23:14

Nea wia ama, “Wu yinǝ mǝnia yì ɓwa ka abanam, wu na ama kǝ soakita aɓwana ɓǝa lo munǝo. Ən ɗiki kani amǝsǝ wun, sǝ aɓalǝ acau mǝnana wu bangŋa amuri ka, ǝn kum ko kǝcau mwashat mǝnana mǝsǝcau na ka ɗang.

Luka 23:5

Pǝlǝa à ginǝ kpekpe ama, “Kanigir male aɓa nzali Yahudi kǝ tsǝk aɓwana ɓǝa loasǝ munǝo arǝ amǝ'talanzali Roma. Tita mǝnia yì gir ka a Galili, ndya yi bwalǝna ban man kat.”

Yohana 18:29

Ace mǝno ka, Bilatus pur abania, sǝ ɗia ama, “Ya cau na wu yiu nǝi amur mǝnia yì ɓwa ka le?”

Yohana 18:30

Pǝlǝa à eare ama, “Ɓǝ̀ ɓwa mǝnia ka, mǝ'ɓealɓikea na raka, ɓǝ́ pa sǝm nǝ̀ yiu nǝi abano ɗang.”

Yohana 19:12

Lang Bilatus ok mǝnia yì cau ka, pǝlǝa ɓariki nǝ̀ alta njargula mǝnana nǝ̀ pusǝna Yesu nǝi ka. Sǝ aɓwana-mǝgule mala amǝ Yahudi ka, à loasǝ gia bang-bang ama, “Ɓǝ̀ a panzǝ ɓwa mǝnia sǝ au ka, lǝmndǝ ama a nda gyajam mala Kaisar, Mǝtala nzali ɗang! Acemǝnana ɓwa mana kat twal ɓamuri ama yì ka, murǝm na ka, ɓwe ka mǝ'mgbicau na arǝ Mǝtala nzali!”

Amǝ Mishan 24:13

Sǝ aman yì aɓwana ka, à pà nǝ̀ gandǝ lǝmndǝo kǝgir mǝnana nǝ̀ pà rǝcandǝa arǝ agir mǝnana à kǝ tsǝkam cau a rǝia ka ɗang.

Amǝ Mishan 24:5

Man yì ɓwa ka sǝm kumi ka mǝzunggǝliban na, mǝnana kǝ yiu nǝ loasǝban aɓalǝ amǝ Yahudi aɓa ɓanza kat ka. Yì nda gbani mala amǝkpata Yesu, mǝnana à tunǝkia ama amǝ Nazarin ngga.

Amǝ Roma 13:7

Wu pea aɓwana kat, agir mǝnana à kǝ kpani ata wun ngga: wu pea wia boalo-cemi mala ɓamur rǝ wun andǝ boalo-cemi mala agirkuma ma'wun. Wu kǝ lǝmndǝia wia gusǝlǝban andǝ pagulo kat.