Luka 23:13 - Maləmce Məfele mala Ɓakuli: Kurcau Məbəshe

¹³ Bilatus tunǝ agbani pǝris, andǝ aɓwana-mǝgule, andǝ acilia aɓwana.

Luka 23:13 ပူးပေါင်းရင်းမြစ်များ

Markus 15:14

Bilatus ɗia ama, “Ace mana? Ya cauɓikea na pak le?” À nyare à loasǝ gia kǝrkǝr ama, “Gballì a nggun-gangndi!”

Luka 23:35

Ɓwapǝndǝa came aban sǝnban, sǝ aɓwana-mǝgule oali, ama, “Kǝ amsǝ aɓea aɓwana, ɓǝ̀ amsǝ ɓamuri, ɓǝ̀ yì ka, nda Kǝrǝsti, Mǝ'amsǝban mǝnana Ɓakuli tarì ka!”

Luka 24:20

Agbani pǝris andǝ amurǝma ma'sǝm ramte ama ɓǝa kya kasǝi wi ɓashi lú, pǝlǝa à gballì a nggun.

Yohana 12:42

Kat andǝ amani ama pas ata aɓwana-mǝgule mala amǝ Yahudi, pà ɓamuria aban Yesu ka, à bang ce aban aɓwana bwāng ɗang, acemǝnana à kǝ ɓanggi amǝ Farisi ɓǝa kǝa pǝria aɓa ndakpapi ɗang.

Yohana 18:38

Pǝlǝa Bilatus ɗi ama, “Mana nda mǝsǝcau?” Bilatus nyare puro aban amǝ Yahudi sǝ banggia wia ama, “Mim ngga ǝn kumi nǝ ɓe kǝ cauɓikea ɗang!

Yohana 19:4

Bilatus pǝlǝa pur ɗǝm aban aɓwana-mǝgule mala amǝ Yahudi sǝ nea wia ama, “Wu kwaki kir wun! Mǝ ndo mǝ nǝ pusǝì, mǝ nǝ yinǝi aban wun, sǝa ma wu sǝlǝ ama mim ngga ǝn kumi nǝ ɓe kǝ cauɓikea ɗang.”

Yohana 3:1

Ɓe ɓwa nakam ata aɓwana-mǝgule, amǝ kurcau mala amǝ Yahudi, mǝnana lullǝi ama Nikodimus ka. Nda aɓalǝ amǝ Farisi.

Yohana 7:26

Sǝ ndya came kǝ na cau a banfana ka, sǝ kǝɓwa loasǝ kun a rǝì ɗang. Ko aɓwana-mǝgule ka, à earǝna adyan ama mǝsǝcau yì ka, nda Kǝrǝsti, yì ɓwa mǝnana Ɓakuli tarrì ka le?

Yohana 7:48

Wu ok àkǝ̀ pwari ama kǝɓwa aɓalǝ aɓwana-mǝgule mala amǝ Yahudi ko amǝ Farisi, pà ɓamuri abani le?

Amǝ Mishan 13:27

Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.

Amǝ Mishan 3:17

Ado ka, wun amǝ'eamrǝarǝu, ǝn sǝlǝna ama gir mǝnana wun, wunǝa aɓwana-mǝgule ma'wun pakki Yesu ka, wu pe aɓa ɗwanyi sǝlǝe.

Amǝ Mishan 4:5

Ban fana ka, amǝtala la, andǝ aɓwana-mǝgule mala amǝ Yahudi, andǝ amalǝm Nggurcau mala Musa, à yì kpapi a Urǝshalima.

Amǝ Mishan 4:8

Sǝ Bitǝrus ka, lumsǝ nǝ Bangŋo Mǝfele, pǝlǝa nea wia ama: Wun amǝtala la andǝ aɓwana-mǝgule ma'sǝm!