Luka 22:53 - Maləmce Məfele mala Ɓakuli: Kurcau Məbəshe

⁵³ Ko aya pwari ka mǝ nda ata wun aɓa Ndàmǝgule mala Ɓakuli, sǝ wu loasǝ kun wun a rǝam ɗang. Sǝ bu-pwari man she ka ma'wun na, andǝ mala rǝcandǝa mala pǝndǝa.”

Luka 22:53 ပူးပေါင်းရင်းမြစ်များ

Matiu 21:23

Yesu kutio aɓa Ndàmǝgule mala Ɓakuli; lang nda ban kanigir ka agbani pǝris andǝ aɓwana-mǝgule mala amǝ Yahudi yiu abani sǝ à ɗi ama, “Nǝ́ yà bangŋo sǝ a kǝ pakki amǝnia yì agir ka, sǝ yana po bangŋo mala pakki agir nì?”

Luka 22:52

Yesu pǝlǝa ne agbani pǝris andǝ aɓwana-mǝgule mala amǝyal Ndàmǝgule mala Ɓakuli, mǝnana à yiu a rǝì ka ama, “Wu yiu a rǝam nǝ anggea-byau andǝ agara-kwalta kǝla mǝ nda ɓwamǝgule mala amǝ'soakitau?

Luka 22:54

À bwal Yesu, sǝ à dǝshina ɓala mala Pǝris Mǝgule nǝi. Sǝ Bitǝrus ka, tarǝte kǝ o atea.

Yohana 12:27

Ado ka ɓabumam kǝ pi, sǝ aman sǝ mǝ nǝ na? Mǝ nǝ na nǝma, “Dâ, amsǝam aɓa mǝnia yì tanni ka ɓǝ̀ kǝa sulǝ a muram ɗang” le? Awo! Mǝnia ka nda tǝr yiu mem, acemǝnana ɓǝn kutio aɓa mǝnia yì bu-pwari mala tanni ka.

Yohana 13:30

Anzǝm mana Yahuda shekina nɗǝmo ka, pǝlǝa lo tu puro. Sǝ du pǝndǝna.

Yohana 14:30

Pà mǝ nǝ samsǝ ban cau mǝnana mǝ nǝ na wun ngga ɗǝm ɗang, acemǝnana murǝm mala ɓanza man ndya kǝ yiu ka, sǝ pànǝ rǝcandǝa a muram ɗang.

Yohana 7:30

Lang Yesu bangŋǝna cau man anggo ka, aɓwana-mǝgule mala amǝ Yahudi ɓariki ama à nǝ̀ bwali, sǝ kǝɓwa tsǝk bu a rǝì ɗang, acemǝnana pwari male malaká pak ɗang.

Yohana 7:45

Sǝ lang amǝyal Ndàmǝgule nyarǝna ka, agbani pǝris andǝ amǝ Farisi ɗia ama, “Palang sǝ wu bwali wu yinǝi ɗang?”

Amǝ Mishan 26:18

ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Afisu 6:12

Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,