Luka 22:43 - Maləmce Məfele mala Ɓakuli: Kurcau Məbəshe

⁴³ Kara mǝturonjar sulǝo abani, ɓak ɓabumi.

Luka 22:43 ပူးပေါင်းရင်းမြစ်များ

Matiu 26:53

Wu kǝ sǝni kǝla pà mǝ nǝ gandǝ zǝmbǝi Tárram, sǝ nǝ̀ tasǝam amǝturonjar pas àkǝ̀ dyadyan à nǝ̀ yia munǝo acem re?

Matiu 4:11

Nda sǝ Shetan ɗekina Yesu ka, sǝ amǝturonjar yiu à yì bwali wi kam.

Matiu 4:6

sǝ ne wi ama, “Ɓǝ̀ a nda Muna mala Ɓakuli ka ta zurro a nzali! Acemǝnana à gilǝ aɓa Malǝmce mala Ɓakuli ama, “ ‘Ɓakuli nǝ̀ tsǝk amǝturonjar male ɓǝ̀a tsǝkiro. À nǝ̀ eo a ɓabuia, ace mǝnana wu kǝa tul kusǝo arǝ tali raka.’ ”

Luka 22:32

Sǝ mim ngga ǝn pangŋa hiwi aceo we Shiman, ace mǝnana paɓamuru mo ɓǝ̀ kǝa kpa ɗang. Sǝ ɓǝa longŋa ka, ɓak ɓabum amǝ'eambǝo.”

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 18:23

Anzǝm anonggeo bǝti a Antiyok ka, Bulǝs bwal njar, o arǝ aban aɓalǝ abu-nzali mala amǝ Galati andǝ amǝ Firigiya, kǝ ɓak ɓabum amǝkwaɗi kat mana arǝ abanì ka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 1:14

Nggearǝ amǝturonjar kat ka, abangŋo na mǝnana à pakkiyi turo, à kǝ turia ɓǝa kǝ ɗenyi nǝ aɓwana mǝnana à nǝ̀ kum amsǝban ngga re?

Amǝ Ibǝru 1:6

Ɗǝm ngga, mǝnana Ɓakuli yinǝ Muna-dǝmbǝa male a ɓanza ka, na ama, “Amǝturonjar mala Ɓakuli kat ka, ɓǝa peri abani.”

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.