Luka 22:42 - Maləmce Məfele mala Ɓakuli: Kurcau Məbəshe

⁴² ama, “Dâ, ɓǝ̀ a wu nǝ ear ka, twalam mǝnia yì kwap mala tanni ka: sǝ mǝnia ka kane mem ma ɗang, ɓǝ̀ do ama kane mo na.”

Luka 22:42 ပူးပေါင်းရင်းမြစ်များ

Matiu 11:25

A pwari mǝno ka Yesu na ama: Ən nggǝ ɓwangsǝo, we Dâ, mǝtala kuli andǝ nzali, ace mǝnana a sǝmbǝrǝ agir mǝnia ka arǝ amǝ'sǝlǝgir andǝ amǝ sǝlǝcau, sǝ a lǝmndǝia a banfana aban amǝ'ɗwanyi-sǝle.

Matiu 11:26

E, Dâ, anggo sǝ ɓoarô ama ɓǝ̀ pa.

Matiu 20:22

Yesu nyesǝia wia ama, “Wu surǝ gir mǝnana wu zǝmnggi ka ɗang. Wu nǝ̀ gandǝ nu tanni mǝnana ado mǝ nǝ nu ka le?” À ear ama, “E, sǝm nǝ̀ gandǝi.”

Matiu 26:39

Tùr a dǝmbǝa bǝti ka, kya kumsǝ nǝ ɓamǝsǝi a nzali, pak hiwi ama, “Dâ, ɓǝ̀ a wu nǝ ear ka, twalam mǝnia yì tanni ka. Sǝa ma mani ka gir mǝnana bumo kànì ka nda, mem na ɗang.”

Matiu 26:42

Nyar ɗǝm o kya pak ɓaria hiwi ama, “Dâ, ɓǝ̀ mǝnia yì tanni ka a pà nǝ́ twalami raka, she ɓǝ̀ ǝn nuni ka, kànì mo ɓǝ̀ pa.”

Matiu 26:44

Pǝlǝa nyia o kya pak tāruia hiwi; ɓǝsǝlǝ kǝ cau mǝ'mwashati.

Matiu 6:10

Domurǝm mo ɓǝ̀ yiu. Gir mǝnana a earkiyice ka, ɓǝ̀ sǝm pe a ɓanza, kǝla mǝnana à kǝ pe a kuli ka.

Markus 14:36

Na ama, “Dâ, gir kat abano ka kǝ gandǝ pa. Ən nggǝ zǝmbǝo, gǝsham mǝnia yì kwap mala tanni ka. Kat andǝ amani ka, ɓǝ̀ kànì mala ɓabumo ɓǝ̀ pa, mem na ɗang.”

Luka 23:34

Pǝlǝa Yesu na ama, “Dâ, twalia wia banì, acemǝnana à surǝ gir mana à pakki ka ɗang.” Pǝlǝa à ko caca amur agir-nggurǝu male, à gakia rǝia.

Yohana 18:11

Yesu banggi Bitǝrus ama, “Nyesǝ nggeabyau mo oasǝi a nde! A kǝ sǝni kǝla pa mǝ nǝ nu kwap mala tanni mǝnana Tárram pam ama ɓǝn nu ka re?”

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 5:30

Pa mǝ nǝ pak ɓe kǝgir aɓa rǝcandǝa mem ɗang. Ən nggǝ pak ɓashi mem à pě mǝnana Ɓakuli banggam ɓǝn nggǝ pe ka. Ace mani ka, ɓashi mem na amur njari, acemǝnana ǝn pa aban ɓariki mǝ nǝ pak gir mǝnana ǝn earkiyice ka ɗang. Kǝ nggearǝ mǝsǝrǝ gir mǝnana Tárram mana turam ngga earkiyi ce ka, nda ǝn nggǝ pe ka.

Yohana 6:38

“Ən sulǝ nǝ kuli ace pak gir ɓamuram ɗang, ǝn yiu ace pak turo mala Tárram mǝnana tasǝam ngga.

Amǝ Mishan 21:14

Lang sǝm yì sǝnǝni ama pa sǝm nǝ̀ gandǝ tamsǝe raka, nda sǝm ɗeki, sǝm na ama, “Ɓǝ̀ kànì mala Mǝtalabangŋo ɓǝ̀ lumsǝo.”