Luka 22:26 - Maləmce Məfele mala Ɓakuli: Kurcau Məbəshe

²⁶ Sǝ wun ngga, anggo sǝ wu nǝ̀ pak ɗang. Ma'wun ngga, ɓwa mǝnana gula wun kat ka nda nǝ̀ dupa wun kǝla muna kat ka, gbani gbal ka nda rítǎu.

Luka 22:26 ပူးပေါင်းရင်းမြစ်များ

Matiu 20:26

Sǝ ma'wun ngga, anggo sǝ nǝ̀ pak ɗang. Ɓǝ̀ ya ɓwa na earce nǝ̀ duk ɓwamǝgule ata wun ngga, dumǝna púp nǝ̀ nyesǝ ɓamuri nda muna-ɓala aban wun.

Markus 10:43

Sǝa ma ata wun ngga pà nǝ̀ pa anggo ɗang. Ɓwa mǝnana kǝ earce nǝ̀ duk ɓwamǝgule ata wun ngga, dumǝna púp nǝ̀ duk rítǎu mala acilia.

Markus 9:35

Lang Yesu dumǝna nǝ do ka, pǝlǝa tunǝ alaggana male lum nong-ɓari nea wia ama, “Ɓǝ̀ ɓwa earce duk mǝdǝmbǝa ka, dumǝna púp ɓwe nǝ̀ duk mǝ'nzǝmo, sǝ nǝ̀ duk guro mala aɓi kat.”

Luka 9:48

sǝ nea wia ama, “Koyana sǝ ɓǝ̀ ak muna kǝla mǝnia ace lullǝam ngga, angŋǝnam, sǝ ɓwa mǝnana em ngga, angŋǝna Tárram mǝnana tasǝam ngga. Ɓwa mǝnana kutibanì kat a nongsǝmuru aɓalǝ wun ngga, nda ɓwamǝgule ma'wun kat.”

Amǝ Roma 12:2

Wu kǝa kpata ɓealǝu andǝ kuncau mala mǝnia yì ɓanza ka ɗang. Wu ɗeki Ɓakuli ɓǝ̀ nggaɗi wun nǝ tsǝk ɗenyicau ma'wun ɓǝ̀ duk bǝshe. Anggo sǝ wu nǝ̀ gandǝ surǝ nê mala Ɓakuli, mǝnana mǝɓoarne na, andǝ mǝnana nǝ̀ duk gir-á abani, sǝ nda pepè ka.

1 Bitǝrus 5:3

Aɓwana mǝnana à tsǝk wun amuria ama wu ɗenyi nǝia ka, wu kǝa lǝmndǝia wia rǝcandǝa ɗang, wu duk girkani abania.

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”