Luka 22:2 - Maləmce Məfele mala Ɓakuli: Kurcau Məbəshe

² Agbani pǝris andǝ amalǝm Nggurcau mala Musa came arǝ alta njargula mǝnana à nǝ̀ walna Yesu nǝi aɓa sǝmbǝrǝa ka, acemǝnana ɓangciu kǝ pakkia wia arǝ aɓwana malea.

Luka 22:2 ပူးပေါင်းရင်းမြစ်များ

Matiu 12:14

Amǝ Farisi pǝlǝa à puro a nza à kya kurkunarǝia amur njar mǝnana à nǝ̀ kumo à nǝ̀ wal Yesu ka.

Matiu 21:38

Lang amǝ'rya man nǝ yia sǝn muni ka, à nea rǝia ama, “Mǝliɓala nia kǝ yiu ka. Sǝm nǝ̀ yia wali ace mǝnana ɓǝ̀ ɓaban duk ma'sǝm!”

Matiu 26:2

“Wu sǝlǝna ama ueo nongŋo ɓari sǝ Lamsan Yalimuru nǝ̀ tite. Aɓalǝ amǝno yia apwari mala Lamsan ngga sǝ ɓeɓwa nǝ̀ ngga mak Muna mala Ɓwa, a bu aɓimǝbura, sǝ à nǝ̀ ngga gballì a nggun-gangndi.”

Markus 14:1

Anongŋo ɓari a dǝm Lamsan mala Yalimuru andǝ Lamsan mala Bǝredi mǝnana Yis pa a rǝì raka, agbani pǝris andǝ amalǝm Nggurcau mala Musa ka, à nda ban alta njar aɓa sǝmbǝrǝa, mǝnana à nǝ̀ bwalǝna Yesu nǝi à nǝ̀ wal-luí ka.

Luka 20:19

Amalǝm Nggurcau mala Musa andǝ agbani Pǝris alta njargula mǝnana à nǝ̀ bwali nǝi tsuk-tsuk ka, acemǝnana à sǝlǝna ama mǝnia yì kanicau ka nda a rǝia. Sǝa ma ɓangciu kǝ pakkia wia arǝ aɓwana.

Yohana 11:57

Anggo ka agbani Pǝris andǝ amǝ Farisi angŋa dǝmbǝa à hamǝna ama, ɓǝ̀ kǝɓwa surǝna rǝ ban mǝnana Yesu na kam ngga, ɓwe ɓǝ̀ yì na ce, ace mǝnana à nǝ̀ bwali ka.

Amǝ Mishan 4:27

Acemǝnana anggo sǝ Hirǝdus andǝ Buntu Bilatus kpapi kunarǝia aɓa mǝnia yì la ka. À kpapi kunarǝia andǝ aɓwana mǝnana à surǝ Ɓakuli raka, andǝ amǝ Isǝrayila kat, nǝ ɓibura arǝ Yesu, yì guro mo Mǝfele, yì ɓwa mana a ci nda Kǝrǝsti Mǝ'amsǝban ngga.