Luka 21:36 - Maləmce Məfele mala Ɓakuli: Kurcau Məbəshe

³⁶ Wu dum nǝ mǝsǝ wun ko aya pwari, nǝ́ pak hiwi ace mǝnana ɓǝ̀ wu api amǝnia yì agir mana à mala à nǝ̀ kumban, sǝ ɗǝm ngga ɓǝ̀ wu kum kusǝu came a ɓadǝm Muna mala Ɓwa ka.

Luka 21:36 ပူးပေါင်းရင်းမြစ်များ

Matiu 24:42

Ace mani ka, wu tsǝk kir wun acemǝnana wu surǝ pwari mǝnana Mǝtala wun nǝ̀ yiu nǝi ka ɗang.

Matiu 24:43

Sǝ wu sǝlǝ ama, ɓǝ̀ mǝtala-ɓala surǝ bu du mǝnana mǝn'i nǝ̀ yiu nǝi ka, nǝ̀ dum nǝ mǝsǝì, pà nǝ̀ eare ɓǝa yi ɓun kunɓala male ɗang.

Matiu 24:44

Anggo gbal wu dum nǝ gilǝrǝu, acemǝnana Muna mala Ɓwa nǝ̀ yiu a bu-pwari mǝnana wu pak ɗenyicau mala yiu male raka.

Matiu 25:13

Ace mani ka, wu do aɓa tsǝk mǝsǝ wun, acemǝnana wu surǝ pwari ko bu-pwari mala yiu mem ɗang.

Matiu 26:41

Wu dum nǝ amǝsǝ wun, sǝ wu pak hiwi, ace mǝnana wu kǝa kuti aɓa karǝkiban raka. Bangŋo ma'wun kǝ earce nǝ̀ pak gir mǝɓoarne sǝ nggūrǝu ka pà nǝ́ rǝcandǝa ɗang.”

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

Markus 13:33

Wu do aɓa gilǝrǝu, wu dum nǝ mǝsǝ wun; acemǝnana wu surǝ pwari mǝnana bu-pwari mǝno nǝ̀ yiu nǝi ka ɗang.

Markus 13:37

Mǝ ndarǝ na wun cau mana ǝn nggǝ ne koyana le ka, wu dum nǝ mǝsǝ wun aɓa gilǝrǝu!

Luka 1:19

Mǝturonjar eari wi ama, “Mǝ nda Jibǝrayilu mǝnana camnggiyi a ɓadǝm Ɓakuli ka. Ɓakuli tasǝam ɓǝ̀ ǝn yi banggo mǝnia yì cau mǝɓoarne ka.

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 20:35

Sǝ aɓwana mǝnana à sǝnia à karǝna à nǝ̀ lo a ɓembe sǝ à nǝ̀ kum kutio a ɓanza mǝno kǝ yiu ka, à pà nǝ̀ al rǝia ko à nǝ̀ isǝ amunia ɗang.

Luka 21:35

Kǝla gbǝli, nǝ̀ yiu amur aɓwana mǝnana a ɓanza kat ka.

Amǝ Mishan 10:2

Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.

1 Amǝ Korinti 16:13

Wu tsǝk kir wun. Wu tamsǝkusǝ wun kàngkàng aɓa paɓamuru. Wu pak aburana. Wu dum nǝ rǝcandǝa.

2 Amǝ Korinti 4:14

Sǝm pa anggo acemǝnana sǝm sǝlǝna ama Ɓakuli, mǝnana loasǝ Mǝtalabangŋo Yesu ka, nǝ̀ loasǝ sǝm gbal sǝnǝa Yesu, sǝ nǝ̀ ká nǝ sǝm, sǝnǝa wun a ɓadǝmbǝi.

Amǝ Kolosi 4:2

Wu pa ɓamur rǝ wun arǝ pak hiwi, sǝ aɓa pe ka wu dum nǝ parkiru andǝ ɓabum mala pak yàwá aban Ɓakuli.

1 Amǝ Tasalonika 5:17

wu came arǝ hiwi,

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

1 Yohana 2:28

Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 11:4

Yia mǝnia ka, à ndaka anggun olif ɓari andǝ agir tamsǝ pitǝla ɓari mǝnana à cam a ɓadǝm Mǝtala ɓanza ka.

Sǝna 6:17

Acemǝnana pwari mǝgule mala lǝmndǝ bumlulla mǝɓike malea yina, sǝ yana ɓwe nǝ̀ came?”

Sǝna 7:9

Anzǝm mǝnia ka ǝn sǝn nggea rambǝa mala ɓwabunda kǝrkǝr, mǝnana kǝɓwa pà nǝ̀ gandǝ ɓalǝia raka. À pur arǝa koya nzali, andǝ akûn, andǝ aɓwana mala atau ɗàngɗáng, andǝ alasǝu, sǝ à came a ɓadǝm bunomurǝm andǝ ɓadǝm Mǝgam. À oasǝ anggea-daura pwasǝa a rǝia sǝ à bwal ambu nkangga a buia.

Sǝna 8:2

Pǝlǝa ǝn sǝn amǝturonjar tongno-nong-ɓari mǝnana à camnggiyi a ɓadǝm Ɓakuli ka, à pea wia anjawe tongno-nong-ɓari.