Luka 21:25 - Maləmce Məfele mala Ɓakuli: Kurcau Məbəshe

²⁵ Agir-lǝmndǝa nǝ̀ purkio aɓa pwari, andǝ zongŋo andǝ anlero. A ɓanza ka ɓwapǝndǝa kat nǝ̀ do nǝ ɓalǝkasǝkya andǝ gakia mala ɗenyicau, à nǝ̀ pǝlǝ nǝ ɓalǝia ɓà nǝ ɓangciu arǝ songnǝo mala nggeamur andǝ eaki-nkono male.

Luka 21:25 ပူးပေါင်းရင်းမြစ်များ

Matiu 24:29

Tu àkǝ̀ nzǝm tanni mǝnana aɓalǝ amǝno yì anonggeo ka, “Pǝndǝa nǝ̀ gir ɓamǝsǝ pwari, sǝ zongŋo ka pà nǝ̀ ta ɗǝm ɗang; anlero nǝ̀ puri kuli à nǝ̀ kpa, sǝ arǝcandǝa mǝnana a bumkuli ka à nǝ̀ dǝurǝkio.”

Matiu 27:45

Nǝ bu-pwari lum-nong-ɓari mala pwari ka kara pǝndǝa yi gir ban, yi pur a bu-pwari tārú.

Markus 13:24

Aɓalǝ amǝno yia anonggeo anzǝm nggea tanni ka, À nǝ̀ kongsǝ pwari aɓa pǝndǝa. Sǝ zongŋo ka pà nǝ̀ ta ɗang.

Markus 13:26

A nzǝm mǝno ka sǝ ɓwapǝndǝa nǝ̀ sǝn Muna mala Ɓwa aban yiu aɓalǝ apǝrɓang nǝ rǝcandǝa mǝgule andǝ ɓoarɓwa.

Markus 15:33

Lang pwari zǝkina ka, pǝndǝa yi gir ban kat bwal bu-pwari tārú mala pwarikpǝra.

Luka 21:24

À nǝ̀ wal-lú aɓea ɓwana atea nǝ nggeabyau, sǝ aɓea ɓwana ka à nǝ̀ bwalia guro à nǝ̀ umnǝia arǝ anzali kat mala ɓanza. Aɓwana mana amǝ Isǝrayila na raka à nǝ̀ parki Urǝshalima aɓata rǝcandǝa malea, à nǝ̀ pak ce acau male ɓà, ba lumsǝo mala apwari mana Ɓakuli kasǝa acea, yia aɓwana mana amǝ Isǝrayila na raka.

Luka 21:26

Ɓwapǝndǝa nǝ̀ wukiaban ace ɓangciu, ɓalǝia nǝ̀ kasǝkya arǝ gir mǝnana nǝ̀ sulǝo amur ɓanza ka, acemǝnana à nǝ̀ dǝurǝki anggea gir mǝgulke mǝnana a kuli ka.

Amǝ Mishan 2:19

Mǝ nǝ pakki agir- gyambǝliban a kuli andǝ agir-ndali a nzali. À nǝ̀ sǝn nkila, andǝ bǝsa, andǝ apǝrɓang-yelebǝsa.

Sǝna 20:11

Sǝ ǝn sǝn nggea bunomurǝm mǝpwasǝe andǝ ɓwa mǝnana do amuri ka. Nzali andǝ kuli ɓanggi ɓadǝmbǝi, à o à kya ndǝrmikea, ko à nyare à sǝnia ɗǝm ɗang.