Luka 20:23 - Maləmce Məfele mala Ɓakuli: Kurcau Məbəshe

²³ Yì ka, surǝna ɓa kutan malea pǝlǝa nea wia ama,

Luka 20:23 ပူးပေါင်းရင်းမြစ်များ

Matiu 16:1

Amǝ Farisi andǝ amǝ Saduki yiu aban Yesu à nǝ̀ karǝki. À zǝmbǝi wi ama ɓǝ̀ lǝmndǝia wia ɓe kǝ gir'ndali mana nǝ̀ lǝmndǝ ama yì ka, pur nǝban Ɓakuli.

Matiu 22:18

Yesu surǝna rǝ ɗenyicau malea mǝɓane kat pǝlǝa ɗia ama, “Wun amǝ'kunɓarina, ace mana sǝ wu kǝ earce tambam?

Luka 20:20

Aɓiamǝbura tsǝki wi mǝsǝu, pǝlǝa à tasǝ amǝ'iucau, mǝnana à lǝmndǝa kǝla amǝ'mǝsǝcau na ka. A ɗenyicau malea ka à nǝ̀ bwal Yesu aɓa cau mǝnana pur a kuni ka, sǝ à nǝ̀ ká nǝi a ɓabu mǝtala-nzali, yì nggwamna mala amǝ Roma.

Luka 20:22

Nggearǝì ka ɓoaro ɓǝ̀ sǝm mbwe Kaisar, murǝm mǝgule mala amǝ nzali Roma boalo-cemi le, ko ɓǝ̀ sǝm ká pe wi ɗang?”

Luka 20:24

“Wu lǝmndǝam mǝsǝboalo dinari. Ɓamǝsǝ ɓwa andǝ gir mǝnana à gilǝa rǝì ka mala yana?” À eari wi ama, “Mala Kaisar na.”

Luka 5:22

Yesu surǝ ɗenyicau malea pǝlǝa ɗia ma, “Ace mana sǝ wu kǝ ɗikiban a ɓabum wun amur man yì cau ka?

Luka 6:8

Sǝ Yesu ka surǝna rǝ ɗenyicau malea, pǝlǝa ne mǝbuwuna ama, “Lo, yiu cam a ɓadǝm ɓwapǝndǝa kat.” Nda lo came abanì.

Amǝ Mishan 13:10

“We muna mala Shetan! A nda ɓimǝbura mala gir mana kat mǝɓoarne na ka! We ka, a lumsǝ nǝ aɓealɓikea ɗàngɗáng mala swarkiban andǝ ɓosǝkia aɓwana. A pà nǝ nying buo arǝ pūrǝki mǝsǝcau mala Mǝtalabangŋo ama ɓǝ̀ pǝlǝ nyir ɗang?

1 Amǝ Korinti 10:9

Ce sǝm eare, sǝm mwam Kǝrǝsti, kǝla mǝnana aɓea ɓwana atea pa, sǝ an'yau wal-luia ka ɗang.

1 Amǝ Korinti 3:19

Acemǝnana gir mana ɓanza man kǝ sǝni kǝla nda sǝlǝe ka, nda ɗwanyi sǝlǝe aban Ɓakuli. Kǝla mǝnana Malǝmce bang ngga, “Ɓakuli kǝ bwal amǝ sǝlǝe aɓa kutan malea.”

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.