Luka 2:7 - Maləmce Məfele mala Ɓakuli: Kurcau Məbəshe

⁷ Pǝlǝa gbashi muna dǝmbǝa male, muna-ɓwabura. Mbúɓɓǝkì aɓa nggurbyau sǝ nongsǝi aɓa kpamgbang-girlina mala agirkusǝu, acemǝnana à pànǝ ban nongŋo aɓa nda a ban-sulǝo ɗang.

Luka 2:7 ပူးပေါင်းရင်းမြစ်များ

Matiu 1:25

Sǝ yì ka, pak ɓwama nǝi ɗang yi pur a gbashi muna-ɓwabura male, pǝlǝa tsǝki muna lullǝu ama Yesu.

Matiu 13:55

Mǝnia ka muna mala kapinta na re? Ngge nda Maryamu sǝ amǝ'eambǝi ndaka Jemis, Yisǝfu, Shiman andǝ Yahuda re?

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

Luka 10:34

Pǝlǝa kyang abani, soapi wi muru andǝ mùr-anap amur anpenye, sǝ marǝki wi anpenye nǝ bugir. Twali ci anzǝm mǝndambǝritso male. Warini a ban-sulǝo kya ɗenyi nǝi.

Luka 2:6

À nda kano piu a Betalami ka, pwari gbashi male yi kārǝa.

Luka 2:8

Tu nǝ bania aɓa mǝnia yì bu-nzali ka, aɓea yalgir do a takuri aban ɗenyi nǝ agirkusǝu malea nǝ du.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

2 Amǝ Korinti 8:9

Wu sǝlǝna nǝ ɓwamuru mala Mǝtala sǝm Yesu Kǝrǝsti; mǝnana kat andǝ amani ama yì ka, mǝkume na ka, yi duk mǝtǝ̀r ace wun, ace mǝnana wun, aɓa dotǝ̀r male ka, ɓǝ̀ wu pǝlǝa amǝkume.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.