Luka 2:14 - Maləmce Məfele mala Ɓakuli: Kurcau Məbəshe

¹⁴ “Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Luka 2:14 ပူးပေါင်းရင်းမြစ်များ

Matiu 21:9

Aɓwabunda mǝnana a ɓadǝmbǝi andǝ amana a nzǝmi ka à loasǝ gia ama, “Wu ɓwangsǝ Muna mala Dauda! Tsǝkbu mala Ɓakuli na muri, yì ɓwa mǝnana kǝ yiu aɓa lullǝ Mǝtalabangŋo ka! Ɓǝa ɓwangsǝki Ɓakuli akano a kuli!”

Luka 1:79

ace pà tǎlaban aban aɓwana mǝnana à do aɓa pǝndǝa andǝ yinggǝli lú ka, ace yal kusǝ sǝm aɓa ká tanjar mala dorǝpwala.

Luka 19:38

À kǝ bangŋa ama, “Ɓwangsǝban ɓǝ pa aban murǝm mǝnana kǝ yiu aɓa lullǝ Mǝtalabangŋo ka!” “Dorǝpwala na kam a kuli sǝ gulo ka aban Ɓakuli!”

Luka 2:13

Anggo ka kara aɓea amǝturonjar pas sulǝ nǝ kuli aban mǝturonjar mana yiu a dǝmbe ka. À kǝ ɓwangsǝ Ɓakuli à kǝ na ama:

Luka 2:15

Lang amǝturonjar nyingŋǝnia à nyarǝna à umna kuli ka, ayalgir mǝno nea rǝia ama, “Wu fani sǝm nǝ̀ ká a Betalami, sǝm nǝ̀ ngga sǝn mǝnia yì gir mana kumban, mǝnana Mǝtalabangŋo na sǝm ce ka.”

Luka 3:22

Bangŋo Mǝfele sulǝ amuri nǝ nggunrǝu kǝla kutu. Gi Ɓakuli pur nǝ kuli na ama, “A nda Munem mǝnana ǝn nggǝ earceo ka, ban kǝ ɓoaram a rǝo kǝrkǝr.”

Yohana 14:27

Mǝ ndya ǝn nggǝ nying wun nǝ dorǝpwala ka. Sǝ mǝnia yì dorǝpwala ǝn pākiyi ka, ɓanza pànǝi nǝ̀ pà ɗang. Ace mani ka, ɓǝ̀ ɓabum wun ɓǝ̀ kǝa kiɗiki ɗang, sǝ ɓangciu ɓǝ̀ kǝa pakka wun ɗang.

Yohana 17:4

Ən yinǝno nǝ́ gulo a ɓanza man, acemǝnana ǝn malǝna turo mo mana a pam ama ɓǝn pe ka.

Yohana 3:16

“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Roma 5:1

Acemǝnana ado ka sǝm kumǝna akban aban Ɓakuli ata cau mala paɓamuru ka, sǝm ndanǝ dorǝpwala a nre sǝm sǝnǝa Ɓakuli nǝ bu Mǝtala sǝm Yesu Kǝrǝsti.

Amǝ Afisu 1:6

Ace mani ka, sǝm nggǝ ɓwangsǝ Ɓakuli ace ɓwamuru male mǝgule mǝnana soapa sǝm mi amur sǝm, sǝm aɓwana mǝnana sǝm nda ka mala Muni mǝnana earkiyi ace raka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Afisu 2:4

Sǝ acemǝnana mǝsǝswatǝr mala Ɓakuli gul kpǝm, sǝ earce sǝm kǝrkǝr ka,

Amǝ Afisu 2:7

Ɓakuli pe anggo ace mǝnana arǝ anza mǝnana à kǝ yiu a dǝmbǝa ka, nǝ̀ lǝmndǝ bui arǝ sǝm. Nǝ̀ na ama, sǝm ndaka turo mala ɓwamuru andǝ mǝsǝswatǝr male mǝgule andǝ mǝɓoarne kǝrkǝr, mǝnana lǝmndǝa sǝmi ata cau mala gir mǝnana Kǝrǝsti Yesu pè ka.

Amǝ Filipi 2:11

Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

Amǝ Filipi 2:13

Ɓakuli ka, nda rǝ pak turo aɓalǝ wun, ɓǝ̀ pà wun rǝcandǝa andǝ ɓabum mala pak gir mǝnana nǝ̀ pwasǝbumi ka.

Amǝ Kolosi 1:20

sǝ nǝ ban Muni ka ɓǝ̀ gilǝki tárǝu mala agirbunda kat andǝi. Nǝ nkila mala Muni mǝnana sukki amur nggun-gangndi ka, yina nǝ dorǝpwala, ace mǝnana agir kat mǝnana a kuli andǝa mǝnana a nzali ka, à nǝ̀ nyesǝia aban Ɓakuli.

2 Amǝ Tasalonika 2:16

Sǝm nggǝ zǝmbǝa ama Mǝtalabangŋo Yesu Kǝrǝsti nǝ ɓamuri, andǝ Ɓakuli Tar sǝm ɓǝ̀ ɓak ɓabum wun sǝ ɓǝ̀ pa wun rǝcandǝa mala pě andǝ nê mǝɓoarne. Ɓakuli ka lǝmndǝna sǝm earcearǝu, sǝ aɓa ɓwamuru male ka, pana sǝm girikiban mǝnana málá male pà kàm raka, andǝ tsǝkɓalǝu mǝgule.

Sǝna 5:13

Pǝlǝa ǝn ok agir kat mǝnana Ɓakuli pusǝia ka, amǝnana a kuli ka, andǝa mǝnana a nzali ka, andǝa mǝnana a tǝta nzali ka, andǝa mǝnana a tamur ka, aban ɓwangsǝki Ɓakuli. À tu'nggyal ama: “Ɓwangsǝban andǝ gulo, andǝ ɓoarɓwa, andǝ rǝcandǝa ka, ɓǝa pe Yì ɓwa mǝnana do amur bunomurǝm ngga sǝ ɓǝa pe Mǝgam, málá male pà kàm ɗang!”