Luka 19:47 - Maləmce Məfele mala Ɓakuli: Kurcau Məbəshe

⁴⁷ Ko aya pwari ka Yesu na aban kanigir aɓa Ndàmǝgule mala Ɓakuli. Agbani Pǝris andǝ amalǝm Nggurcau mala Musa sǝ akapana mǝnana aɓa ɓwapǝndǝa ka, à kǝ alte à nǝ̀ wal-lui.

Luka 19:47 ပူးပေါင်းရင်းမြစ်များ

Matiu 21:23

Yesu kutio aɓa Ndàmǝgule mala Ɓakuli; lang nda ban kanigir ka agbani pǝris andǝ aɓwana-mǝgule mala amǝ Yahudi yiu abani sǝ à ɗi ama, “Nǝ́ yà bangŋo sǝ a kǝ pakki amǝnia yì agir ka, sǝ yana po bangŋo mala pakki agir nì?”

Matiu 26:55

Yesu nê ɓwabunda mǝnana yiua bwale ka ama, “Wu yiu nǝ anggea-byau andǝ agara ace bwalam kǝla mǝ nda mǝyàl-nzongcau? Ko aya pwari ka ǝn nggǝ do aɓa Ndàmǝgule mala Ɓakuli aban kanigir, sǝ wu bwalam ɗang.

Markus 11:18

Agbani pǝris andǝ amalǝm Nggurcau mala Musa ok mǝnia yì cau ka. Pǝlǝa à tita alta njar mǝnana à nǝ̀ wal-lui nǝi ka. Sǝ yia ka, ɓangciu kǝ pakkia wia a rǝì, acemǝnana ɓwapǝndǝa kat ka ndali nǝ kanigir male.

Markus 12:12

Pǝlǝa aɓwana-mǝgule mala amǝ Yahudi alta njargula mǝnana à nǝ̀ bwali nǝi ka, acemǝnana à sǝlǝna ama bang mǝnia yì kanicau ka a rǝia. Sǝa ma acemǝnana àkǝ̀ ɓanggi ɓwabunda ka, à ɗeki à pǝlǝ rǝia, à o.

Markus 14:1

Anongŋo ɓari a dǝm Lamsan mala Yalimuru andǝ Lamsan mala Bǝredi mǝnana Yis pa a rǝì raka, agbani pǝris andǝ amalǝm Nggurcau mala Musa ka, à nda ban alta njar aɓa sǝmbǝrǝa, mǝnana à nǝ̀ bwalǝna Yesu nǝi à nǝ̀ wal-luí ka.

Markus 14:49

Ko aya pwari ka mǝ nda sǝnǝa wun, aban kanigir aɓa Ndàmǝgule mala Ɓakuli, mana tsǝa sǝ wu bwalam ɗang? Sǝa ma mǝnia ka pa anggo acemǝnana ɓǝa lumsǝ cau mala Malǝmce.”

Luka 19:48

Sǝ à kumbi ban ɗang, acemǝnana acau male pwan ɗenyicau mala ɓwapǝndǝa kat.

Luka 20:19

Amalǝm Nggurcau mala Musa andǝ agbani Pǝris alta njargula mǝnana à nǝ̀ bwali nǝi tsuk-tsuk ka, acemǝnana à sǝlǝna ama mǝnia yì kanicau ka nda a rǝia. Sǝa ma ɓangciu kǝ pakkia wia arǝ aɓwana.

Yohana 10:39

Nyar ɗǝm ngga, à ɓariki ama à nǝ̀ bwal Yesu, kara puri ɓabuia.

Yohana 18:20

Yesu banggi wi ama, “Acau mem ngga ǝn nea bwāng a ɓadǝm ɓwapǝndǝa kat. Sǝ ko aya pwari ka mǝ ndaban kanigir arǝ ndakpapi andǝ Ndàmǝgule mala Ɓakuli, ban rambǝa mala amǝ Yahudi. Ən na kǝ cau aɓa sǝmbǝrǝa ɗang.

Yohana 7:19

Musa nǝ̀ pa wun Nggurcau re? Sǝ kǝɓwa ata wun kpate ɗang. Ace mana sǝ wu kǝ earce ama wu nǝ̀ wal-luem?

Yohana 7:44

Aɓea aɓwana ka eare malea ka à nǝ̀ bwal Yesu, sǝ kǝɓwa gandǝ tsǝk bu a rǝì ɗang.