Luka 19:38 - Maləmce Məfele mala Ɓakuli: Kurcau Məbəshe

³⁸ À kǝ bangŋa ama, “Ɓwangsǝban ɓǝ pa aban murǝm mǝnana kǝ yiu aɓa lullǝ Mǝtalabangŋo ka!” “Dorǝpwala na kam a kuli sǝ gulo ka aban Ɓakuli!”

Luka 19:38 ပူးပေါင်းရင်းမြစ်များ

Matiu 2:2

à yì ɗiban ama, “Murǝm mala amǝ Yahudi mǝnana à loa ɓǝle ka, nda ake? Sǝm sǝn nlero mala ɓǝle a takuli, nda sǝm yiua peri abani ka.”

Matiu 21:9

Aɓwabunda mǝnana a ɓadǝmbǝi andǝ amana a nzǝmi ka à loasǝ gia ama, “Wu ɓwangsǝ Muna mala Dauda! Tsǝkbu mala Ɓakuli na muri, yì ɓwa mǝnana kǝ yiu aɓa lullǝ Mǝtalabangŋo ka! Ɓǝa ɓwangsǝki Ɓakuli akano a kuli!”

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Luka 13:35

Wu sǝni, Ndàmǝgule ma'wun ngga, Ɓakuli ginǝkina wuni, nongŋǝna a tarǝì. Ən nggǝ na wun, pà wu nǝ̀ nyare wu nǝ̀ sǝnam ɗǝm ɗang. She pwari mǝnana wu nǝ̀ bangŋa ama, “Ɓwangsǝban mala Ɓakuli na amur ɓwa mǝnana kǝ yiu aɓa lullǝ Mǝtalabangŋo ka!”

Amǝ Roma 5:1

Acemǝnana ado ka sǝm kumǝna akban aban Ɓakuli ata cau mala paɓamuru ka, sǝm ndanǝ dorǝpwala a nre sǝm sǝnǝa Ɓakuli nǝ bu Mǝtala sǝm Yesu Kǝrǝsti.

Amǝ Afisu 1:12

Kànì mala Ɓakuli ka nda mǝnana ama, sǝm amǝ Yahudi mana sǝm nda ka amǝdǝmbǝa paɓamuru aban Kǝrǝsti ka, ɓǝ̀ sǝm yinǝ ɓwangsǝban andǝ pagulo aban Ɓakuli.

Amǝ Afisu 1:6

Ace mani ka, sǝm nggǝ ɓwangsǝ Ɓakuli ace ɓwamuru male mǝgule mǝnana soapa sǝm mi amur sǝm, sǝm aɓwana mǝnana sǝm nda ka mala Muni mǝnana earkiyi ace raka.

Amǝ Afisu 3:10

Kànì mala Ɓakuli aɓa mǝnia kat ka, nda mǝnana ama, adyan ngga nǝ̀ pak turo nǝ ikǝlisiya, amǝkpata Yesu, nǝ̀ lǝmndǝ sǝlǝe male mǝnana ndakam arǝ anjari ɗàngɗáng ngga, aban amǝ yalmuru andǝ amǝ-gara aɓa ɓanza mala abangŋo.

Amǝ Afisu 3:21

Gulo ka male na aɓa ikǝlisiya, yia amǝkpata Kǝrǝsti Yesu, sǝ aɓa kpapi malea andǝi, aban ká arǝ anza kat, masǝlǝatea pà kàm ɗang. Amin.

Amǝ Kolosi 1:20

sǝ nǝ ban Muni ka ɓǝ̀ gilǝki tárǝu mala agirbunda kat andǝi. Nǝ nkila mala Muni mǝnana sukki amur nggun-gangndi ka, yina nǝ dorǝpwala, ace mǝnana agir kat mǝnana a kuli andǝa mǝnana a nzali ka, à nǝ̀ nyesǝia aban Ɓakuli.

1 Timoti 1:17

Adyan ngga, gulo andǝ ɓoarɓwa kat ka, mala Ɓakuli na, mana málá male pà kàm raka. Yì mǝnana nda Murǝm mala anza kat, sǝ pà nǝ̀ wu ɗang, yale ɓwapǝndǝa pa nǝ̀ gandǝ sǝne raka, kǝ yì mwashat nda Ɓakuli. Amin.

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.