Luka 19:21 - Maləmce Məfele mala Ɓakuli: Kurcau Məbəshe

²¹ Ɓangciu pakkam a rǝo, acemǝnana cau mo kwano na ɗang. A kǝ twalgir mǝnana a wu nǝ̀ tsǝk raka, a kǝ wal gir mǝnana a wu nǝ̀ ɓeal raka.”

Luka 19:21 ပူးပေါင်းရင်းမြစ်များ

Luka 19:20

Pǝlǝa ɓe guro yiu yi na ama, “Ɓwamǝgule, luru mǝsǝboalo mo nia ka, ǝn karrì aɓa bugir ǝn sǝmbǝrǝi pepe.

Luka 19:22

Mǝtala-ɓala male eari wi ama, “Mǝ nǝ kùrro nǝ acau mǝnana à pur a kuno ka, we mǝturo-ɓala mǝɓealɓike! A sǝlǝna she ama cau mem kwano na ɗang, ǝn nggǝ twal gir mǝnana mǝ nǝ tsǝk raka, sǝ ǝn nggǝ pwan agir mǝnana mǝ nǝ ɓeal raka?

Amǝ Roma 8:15

Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!”

Amǝ Roma 8:7

Lǝmndǝ ama aɓwana mǝnana à dum nǝ ɓabum mala kpata nggūrǝu ka, à dumǝna aɓibura mala Ɓakuli; yia ka à kǝ kpata nzongcau mala Ɓakuli ɗang, sǝ aɓa mǝsǝcau ka, à pà nǝ̀ gandǝ kpate ɗang.

2 Timoti 1:7

Acemǝnana Bangŋo mana Ɓakuli pa sǝm ngga, mala ɓangciu na ɗang. Bangŋo mǝnana pa sǝm ngga, mala rǝcandǝa na andǝ earcearǝu andǝ bwalɓamuru.

Jemis 2:10

Acemǝnana ɓwa mana bwal anggurcau mala Ɓakuli kat, sǝ yàllî mwashat ka, yalni anggurcau kat.

1 Yohana 4:18

Ɓangciu pa aɓa earcearǝu ɗang, sǝ earcearǝu mǝ'mǝsǝcau nì ka, kǝ pǝr ɓangciu. Acemǝnana ɓangciu kǝ pa tanni, sǝ ɓwa mǝnana ndanǝ ɓangciu ka, lǝmndǝ ama earcearǝu kum lumsǝo a ɓalǝi ɗang.

Yahuda 1:15

ace yinǝ ɓashi amur ɓwapǝndǝa kat. Nǝ̀ yia mak aɓwana kat mǝnana à surǝ Ɓakuli raka nǝ ɓashi, ace agir mǝnana kat à pea aɓa do malea mala ɗwanyi surǝ Ɓakuli ka, andǝ acau mǝɓike mǝnana amǝ'cauɓikea, amǝ ɗwanyi surǝ Ɓakuli ne amuri ka.”