Luka 19:13 - Maləmce Məfele mala Ɓakuli: Kurcau Məbəshe

¹³ Kaniama nǝ̀ o ka tunǝ ata amǝturo male lum, gakia wia mǝsǝboalo zǝnariya luru lum sǝ nea wia ama, “Boalo mǝnia ka wu kǝ nggaliki nǝi, she ɓǝn nyarǝna ka.”

Luka 19:13 ပူးပေါင်းရင်းမြစ်များ

Matiu 25:16

Mǝturo-ɓala mǝnana à pe wi luru mǝsǝboalo tongno ka wario kya nggaliki nǝi, pǝlǝa kum mur luru tongno amur amǝno.

Matiu 25:20

Ɓwabura mana à pe wi luru mǝsǝboalo tongno ka yiu nǝ aɓea aluru tongno mana kum amur amǝno ka. Bangŋa ama, “Ɓwamǝgule, a pam luru mǝsǝboalo tongno, sǝ ǝn nggaliki nǝi. Sǝni, ndya ǝn kum aɓea tongno amur amǝno ka.”

Matiu 25:22

Ɓwabura mǝnana à pe wi luru mǝsǝboalo ɓari ka yiu gbal sǝ na ama, “Ɓwamǝgule, a pam luru mǝsǝboalo ɓari. Sǝni, ndya ǝn kum mur luru ɓari amur amǝno a pam ngga.”

Matiu 25:24

Mǝturo-ɓala mana ak luru mǝsǝboalo mwashat ka yiu sǝ na ama, “Ɓwamǝgule, ǝn surǝo. We ka, a nda ɓwa mǝkwane kǝrkǝr. A kǝ cancane aban mǝnana we ka a ɓeal kam raka, a kǝ ramngya aban mǝnana we ka a kwak mǝsǝɓeale kam raka.

Luka 19:12

Pǝlǝa na ama: Ɓe mǝtaumurǝm wario a ɓe nzali mǝsauwe nǝ̀ ngga ak garamurǝm, sǝ nǝ̀ nyare.

Luka 19:14

Sǝ aɓwana male ka à ɓinǝi, pǝlǝa à tasǝ aɓea aɓwana ate ɓǝa kya na ama, “Sǝm earce mǝnia yì ɓwa ka ɓǝ̀ duk murǝm ma'sǝm ɗang.”

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Amǝ Galati 1:10

Ado ka, ɓwangsǝban mala ɓwapǝndǝa na ǝn alkiyite ka le, ko mala Ɓakuli? Ɓǝ̀ mǝ nda ban ɓariki mǝ nǝ pwasǝbum ɓwapǝndǝa ka, ɓǝ́ pa mǝ nǝ duk guro mala Kǝrǝsti ɗang.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.