Luka 18:7 - Maləmce Məfele mala Ɓakuli: Kurcau Məbəshe

⁷ Wu kǝ sǝni kǝla Ɓakuli ka pà nǝ̀ pak ɓashi mǝ'mǝsǝcau nì ace aɓwana male mǝnana tària, mǝnana à kǝ ɓua a ɓadǝmbǝi, du andǝ pwari ka re? Nǝ̀ dǝndi arǝ bwalia wia kam le?

Luka 18:7 ပူးပေါင်းရင်းမြစ်များ

Matiu 24:22

Yale ɓǝ̀ Ɓakuli amsǝ ma anonggeo mala tanni mǝno raka, kǝɓwa pà kàm nǝ̀ au ɗang, sǝa ma ace aɓwana mǝnana Ɓakuli tarkia ka nǝ̀ amsǝ anonggeo mǝno.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 7:11

Kat andǝ ɓealɓikea ma'wun ngga wu sǝlǝ pe amuna ma'wun aɓoro mǝɓoarne, sǝ nǝ Tár wun mǝnana a kuli ka? Ndanǝ ɓabum mana ɓoaro kutibanì ka nǝ̀ pe aɓwana mǝnana à zǝmbǝi wi ka, agir mǝɓoarne!

Luka 11:13

Sǝ ɓǝ̀ wun, amǝ'ɓealɓikea, wu sǝlǝ pe amuna ma'wun aɓoro mǝɓoarne ka, sǝ koshi Tar wun mana a kuli ka! Yì ka, aɓa njar mǝnana wori mǝno ka nǝ̀ pea aɓwana mǝnana à zǝmbǝi wi ka, Bangŋo Mǝfele!

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Luka 21:28

Ɓǝa mǝnia yì agir tinata kum ban ngga, wu lo, wu loasǝ mur wun a kuli, acemǝnana pwari akmúr wun gbashina.

Amǝ Roma 8:33

Yana ɓwe na nǝ̀ wuli aɓwana mǝnana Ɓakuli tària ka? Kǝ ɓwa pà kàm ɗang! Acemǝnana Ɓakuli nǝ́ ɓamuri nǝ̀ cia sǝ à duk amǝ'cauɓoarna!

Amǝ Kolosi 3:12

Sǝ acemǝnana Ɓakuli tarna wun ɓǝ̀ wu duk aɓwana male mǝnana kǝ earcea ka, wu twal ɓealǝu mala sǝn mǝsǝswatǝr, andǝ pemǝɓoarne, andǝ nyesǝɓamuru, andǝ doɓuɓɓuka, sǝ munyi.

1 Amǝ Tasalonika 3:10

Du andǝ pwari, sǝm nggǝ pak hiwi nǝ ɓabum sǝm kat kǝrkǝr aban zǝmbǝi Ɓakuli, ɓǝ̀ pa sǝm dǝmbǝu ɗǝm, ɓǝ̀ sǝm sǝn wun, ace mǝnana ɓǝ̀ sǝm kania wun aɓea agir mǝnana ɓoaro ɓǝ̀ wu surǝia aɓa paɓamuru ma'wun aban Ɓakuli ka.

2 Amǝ Tasalonika 1:6

Ɓakuli ka, mǝ'mǝsǝcau na: Nǝ̀ yia mbwe ka aɓwana mǝnana à kǝ pa wun tanni ka, nǝ tanni,

1 Timoti 5:5

Man-lú mǝɓafoe, mǝnana nda nǝmurǝì, kǝɓwa pà amuri a ɓanza man raka, kǝ tsǝk ɓalǝi arǝ Ɓakuli, sǝ kǝ lidǝmbǝa du andǝ pwari, aban zǝmbǝi Ɓakuli ɓǝ̀ bwali wi kam.

2 Timoti 1:3

Du andǝ pwari ka, ǝn nggǝ ɗenyi nǝ we aɓalǝ ahiwi mem. Ən nggǝ pakki Ɓakuli yàwá, yì Ɓakuli mǝnana ǝn nggǝ kpate nǝ ɓabum mǝɓoarnsari, kǝla mǝnana akêm pak ka.

2 Timoti 2:10

Ace mani ka, ǝn earǝna mǝ dum nǝ gandǝrǝu aɓa ko man, ace aɓwana mana Ɓakuli tària ka, ace mǝnana yia gbal ka ɓǝa kum amsǝban mana aɓa Kǝrǝsti Yesu ka, a tarǝia andǝ gulo mǝnana pà nǝ̀ mal raka.

Titus 1:1

Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.

1 Bitǝrus 1:1

Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.

2 Bitǝrus 3:9

Mǝtalabangŋo kǝ dǝndi arǝ lumsǝ pacau male, kǝla mana aɓea ɓwana kǝ twali ka ɗang. Awo, yì ka, ndanǝ munyi ace wun. Eare ama ɓǝ̀ kǝ ɓwa ɓǝ̀ kìɗìkì ɗang. Eare male ka koyan ngga, ɓǝ̀ pwanzali ɓǝ̀ pǝlǝ nzǝmi arǝ acauɓikea male.

Sǝna 18:20

Wun mǝnana wu ndanǝ do a kuli ka, wu pak banɓoarnado amuri! Wun aɓwana mala Ɓakuli, andǝ amǝ'mishan, andǝ amǝ'ɓangna mala Ɓakuli, wu pak banɓoarnado. Acemǝnana Ɓakuli pangŋǝni wi ɓashi ace kǝ wun.’ ”

Sǝna 6:10

À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”

Sǝna 7:15

“Nda tsǝa sǝ à came a ɓadǝm bunomurǝm mala Ɓakuli sǝ à kǝ pakki wi turoperi, du andǝ pwari, aɓa Ndàmǝgule male; sǝ Yì ɓwa mǝnana do amur bunomurǝm ngga, nǝ̀ dupia wia tara amuria.