Luka 18:16 - Maləmce Məfele mala Ɓakuli: Kurcau Məbəshe

¹⁶ Sǝ Yesu ka tunǝ amuna abani oaso na ama, “Wu ɗeki amuna ɓǝa yiu abanam, wu kǝa pǝrkia ɗang, acemǝnana Domurǝm mala Ɓakuli ka nda ace a ulang amǝnia ka.

Luka 18:16 ပူးပေါင်းရင်းမြစ်များ

Matiu 19:14

Sǝ Yesu na ama, “Wu nying amuna amǝkeke ɓǝa yiu abanam, wu kǝa pǝrkia ɗang, acemǝnana Domurǝm mala kuli ka nda ace aɓwana kǝla amuna mǝnia ka.”

Luka 18:15

Ɓwapǝndǝa na arǝ yiu nǝ amuna aban Yesu ama ɓǝ̀ yi tsǝkia wia bu. Alaggana male sǝni anggo ka, à lo à sà a rǝia.

Luka 18:17

Ən nggǝ na wun mǝsǝcau ama koyana sǝ pà nǝ̀ ak Domurǝm mala Ɓakuli kǝla muna mǝkyauwe raka, pà nǝ̀ gandǝ kuti kam ɗang.”

Amǝ Mishan 2:39

Mǝnia yì ɓwamuru Ɓakuli bangce ka, nda ace wun andǝ amuna ma'wun, andǝ aɓwana mǝnana amǝ Yahudi na raka, andǝa mǝnana Mǝtalabangŋo Ɓakuli ma'sǝm nǝ̀ ngga tunǝia ka.”

1 Amǝ Korinti 14:20

Wun amǝ'eamrǝarǝu, wu kǝa pǝlǝ amuntulo aɓa ɗenyicau ma'wun amur surǝ amǝnia yì agir ka ɗang. Wu duk amuntulo arǝ ɓealɓikea, sǝ wu gul aɓa ɗenyicau ma'wun.

1 Amǝ Korinti 7:14

Acemǝnana ɓwabura mǝnana mǝkwaɗi na raka, pǝlǝna ɓwa mǝnana Ɓakuli nǝ̀ é ka ata cau mala mami. Anggo gbal mɓwama mǝnana mǝkwaɗi na raka, pǝlǝna ɓwa mǝnana Ɓakuli nǝ é ka ata cau mala burri. Ɓǝ̀ anggo raka, amuna malea ka Ɓakuli pà nǝ̀ ea kǝla amale ɗang. Sǝa ma ado ka, Ɓakuli angŋǝnia à dumǝna kǝla amuna mala amǝkwaɗi.

1 Bitǝrus 2:2

Wu pa kǝla abangna-muna, rǝ wun ɓǝ̀ kǝ ɓǝla arǝ nu kiura mǝɓoarnsari mala cau mala Ɓakuli, ace mǝnana ɓǝ̀ wu gulo a ɓalǝi, ɓǝ̀ kyan nǝ wun a amsǝban,