Luka 17:6 - Maləmce Məfele mala Ɓakuli: Kurcau Məbəshe

⁶ Mǝtalabangŋo pea wia eare ama: Ko ɓǝ̀ guliarǝu ma'wun kyauwe kǝla mǝsǝ musta ka, wu nǝ̀ gandǝ banggi nggea nggun mǝnia ka ama, “U, kya kpa aɓa nggeamur!” Sǝ yì ka, nǝ̀ kpata cau ma'wun.

Luka 17:6 ပူးပေါင်းရင်းမြစ်များ

Matiu 14:29

Yesu ne wi ama, “Yiu.” Bitǝrus pǝlǝa sulǝi ɓa waru sǝ gya amur mùr aban ká aban Yesu.

Matiu 17:20

Yesu nea wia ama: Nda acemǝnana paɓamuru ma'wun ngga gatti. Sǝa ma ǝn nggǝ na wun mǝsǝcau, ɓǝa bangŋa ama wu earnǝ Ɓakuli bǝti kǝla kyauwe mala mǝsǝ musta ka, wu nǝ̀ gandǝ ne mǝnia yì nkono ka ama, “Turî ban mǝnia, o kano” sǝ yì ka, nǝ̀ turó. Ɓe kǝgir pà kàm nǝ̀ gandǝ wun ɗang.

Matiu 21:21

Yesu nea wia ama, “Ɓafo, ǝn nggǝ na wun, ɓǝ̀ wu ndanǝ paɓamuru sǝ wu tuti aɓa ɗenyicau raka, mǝnia yì gir à pakki nggun ngga nda mana nǝmurǝì wu nǝ̀ gandǝ pe ka ɗang. Ɓǝ̀ wu nǝ̀ nê mǝnia yì nkono ama, ‘Lo, kya kpa aɓa nggeamur’ ka, anggo sǝ nǝ̀ pa.

Markus 4:31

Nda kǝla mǝsǝ musta mǝnana nda kyauwe kuti acili amǝsǝɓeale kat, à twali à ɓeali a nzali ka.

Markus 9:23

Yesu ɗi ama, “Ace mana sǝ a na ama, ‘ɓǝ̀ a nǝ gandǝi ka?’ Ko man ngga nǝ̀ gandǝ pa aban ɓwa mǝnana earnǝ cau mala Ɓakuli nǝ ɓabumi kat ka.”

Luka 13:19

Nda kǝla mǝsǝ musta mǝnana ndya mǝní bǝti, mǝnana ɓeɓwa twali kya ɓeali a ɓaban male ka. Gulo kya pǝlǝa nggun sǝ amuna-nyal mana a kuli ka à yì bwal ndà arǝ abuí.”

Luka 17:7

Ɓǝà twali ama ɓeɓwa na kam aɓalǝ wun mana ndanǝ muna-ɓala mǝnana wario a rya a ɓaban ko a yal anzur ka. Ɓǝ̀ mǝnia yì muna-ɓala ka ndo kǝ nyari ɓabondo nǝ nyare ka, mǝtala-ɓala male nǝ̀ ne wi ama, “Faro, yiu do lili le?”

Luka 19:4

Pǝlǝa ɓangŋa, ak dǝmbǝa, kya eauwe a nggun vwari nǝ̀ sǝni, acemǝnana àkǝ̀ banì sǝ Yesu nǝ̀ pǝlǝa.

Luka 7:13

Lang Mǝtalabangŋo sǝn mɓwama man ngga, mǝsǝswatǝr male bwali, pǝlǝa ne wi ama, “Ce a ɓua ɗang!”

Luka 7:19

sǝ tasǝia aban Mǝtalabangŋo ɓǝa kya ɗi ama, “A nda Kǝrǝsti Mǝ'amsǝban, mǝnana sǝm nggǝ kundǝ ka le, ko ɓǝ̀ sǝm kundǝ ɓeɓwa ɗàng?”

1 Amǝ Korinti 13:2

Ɓǝa bangŋa ama, mǝ ndanǝ ɓoro mala na ɓabum Ɓakuli, ko ǝn bwalta acau ɓa-sǝmbǝrǝa kat, sǝ ǝn surǝ koya gir ka, ko mǝ ndanǝ guli arǝ Ɓakuli, ulang mana nǝ̀ gandǝ gǝshi ankono, sǝ ǝn panǝ earcearǝu raka, mǝ nda kǝgir ɗang.