Luka 17:30 - Maləmce Məfele mala Ɓakuli: Kurcau Məbəshe

³⁰ Anggo sǝ nǝ̀ kumban a pwari mǝnana Muna Mala Ɓwa nǝ̀ yia pusǝna rǝì nǝi ka.

Luka 17:30 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 24:3

Nǝ nzǝmo ka Yesu yì do amur Nkono mala anggun Olif. Alaggana male yiu abani nǝmurǝì sǝ à ne wi ama, “Sǝm ama wu bangga sǝm, a ya pwari sǝ agir mǝnia ka nǝ̀ yia pa, sǝ mana nda gir mǝnana nǝ̀ lǝmndǝ yiu mo andǝ masǝlǝata ɓanza ka?”

Matiu 24:37

Kǝla mǝnana yi pa a nza mala Nuhu ka, anggo sǝ yiu mala Muna mala Ɓwa nǝ̀ pa.

Matiu 24:39

À sǝlǝ ama ɓe kǝgir nǝ̀ yia kumia ɗang, kara mùrgula yi pwania kat. Anggo sǝ yiu mala Muna mala Ɓwa nǝ̀ pa.

Matiu 26:64

Yesu eare ama, “E, kǝ nda a bang ngga, sǝ ǝn nggǝ bangga wun kat, “ ‘A dǝmbǝa ka wu nǝ̀ sǝn Muna mala Ɓwa dumǝna ata bu-mǝli mala Ɓakuli Mǝtalabangŋo, aban yiu aɓalǝ apǝrɓang a bumkuli.’”

Markus 13:26

A nzǝm mǝno ka sǝ ɓwapǝndǝa nǝ̀ sǝn Muna mala Ɓwa aban yiu aɓalǝ apǝrɓang nǝ rǝcandǝa mǝgule andǝ ɓoarɓwa.

Luka 17:24

Kǝla mǝnana ɓǝ̀ mbulo linzama pǝlilip ka, nǝ̀ tá amur ɓanza a bui man nǝ̀ ngga bwal ɓe bui ka, anggo sǝ Muna Mala Ɓwa nǝ̀ pa a pwari nyare male.

Luka 17:29

A pwari mǝnana Lotu purî ɓa Sodom ngga, bǝsa andǝ amǝsǝtali bǝsa nya nǝ kuli amur amǝ Sodom twaltea kat.

Luka 21:22

Acemǝnana mǝnia yì pwari ka mala mbweban nutanni na, ace lumsǝ agir mǝnana kat à gilǝì aɓa Malǝmce mala Ɓakuli ka.

Luka 21:27

Anggo ka à nǝ̀ sǝn Muna Mala Ɓwa aban yiu aɓa pǝrɓang nǝ rǝcandǝa andǝ ɓoarɓwa mǝgule.

1 Amǝ Korinti 1:7

Ace mani ka, wu ɗwanyi kum ɓe kǝ ɓoro mala Bangŋo ɗang, aɓa do ma'wun mala kundǝ Mǝtala sǝm Yesu Kǝrǝsti ɓǝ̀ lǝmndǝ rǝì.

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

Amǝ Kolosi 3:4

Sǝ ɓǝ̀ Kǝrǝsti mǝnana nda tǝr bǝsa yilǝmu ma'wun, yi pusǝna rǝì aban ɓanza kat ka, wun gbal ka wu nǝ̀ yia pusǝ rǝ wun aɓa gulo male.

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 1:7

Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.

1 Bitǝrus 4:13

A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.

1 Yohana 2:28

Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

1 Yohana 3:2

Wun agyajam, sǝm ado ka, sǝm ndaka amuna mala Ɓakuli, sǝ à malaká lǝmndǝa sǝm ulang pa mǝnana sǝm ngga pak ka ɗang. Sǝa ma sǝm sǝlǝna ama ɓǝ̀ Yesu yi pusǝna rǝì ka, sǝm nǝ̀ pa kǝla yi, acemǝnana sǝm nǝ̀ yia sǝni kǝla mǝnana ndakam ngga.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.