Luka 17:16 - Maləmce Məfele mala Ɓakuli: Kurcau Məbəshe

¹⁶ Yi kpa a ɓadǝm Yesu aban pakki wi yàwá. Sǝ yì ka, ɓwa Samariya na.

Luka 17:16 ပူးပေါင်းရင်းမြစ်များ

Matiu 10:5

Yia mǝnia lum-nong-ɓari ka Yesu tasǝia sǝ nea wia ama: Wu kǝa ká aban aɓwana mǝnana amǝ Yahudi na raka ɗang. Wu kǝa kar a ɓe kǝ la mala amǝ Samariya ɗang.

Matiu 2:11

À nǝ̀ kutio a ɓala ka, à sǝn muna andǝ ngge Maryamu, sǝ à ɓun a ɓadǝmbǝi, à peri. Pǝlǝa à panzǝki agǝna malea sǝ à pe wi aɓoro zǝnariya, andǝ lubban andǝ mǝr.

Markus 5:33

Mɓwama man sǝlǝna rǝ gir mǝnana kumi ka, puro yiu nǝ ɓangciu yi kpa a ɓadǝmbǝi, nǝ rǝɓǝla, bǝli wi mǝsǝcau kat.

Luka 17:17

Yesu ɗiban ama, “Aɓwana lum mbo sǝ à twalia wia ban dakali? Aman tongno-nong-ine ka à nda malea aya là?

Luka 5:8

Lang Shiman Bitǝrus sǝn mǝnia yì gir ka, kpa a ɓadǝm Yesu sǝ na ama, “Mǝ nda yan sǝ a wu nǝ came abanam, Mǝtalabangŋo, mim ngga mǝ nda mǝ'cauɓikea.”

Yohana 4:9

Sǝ mɓwame pǝlǝa ne Yesu ama, “A nda ɓwa Yahudi, sǝ mǝ nda ɓwa Samariya. Lang sǝ a nǝ zǝm murnuna a buam yi mǝnana kǝgir kǝ kpapi amǝ Yahudi andǝ amǝ Samariya raka?”

Yohana 5:23

ace mǝnana ɓǝ̀ aɓwana kat pam gulo kǝla mǝnana à pe Tárram Ɓakuli ka. Ɓwa mǝnana kat pam gulo raka, pà aban pê Tárram mǝnana tasǝam ngga gulo ɗang.

Yohana 8:48

Sǝ aɓwana-mǝgule mala amǝ Yahudi ɗi Yesu ama, “Cau mǝnana sǝm na ama a nda ɓwa Samariya sǝ kukwar na a rǝo ka mǝsǝcau na re?”

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

1 Amǝ Korinti 14:25

Ɓǝ̀ à ndarǝ oe ka, aɗenyicau ɓa-sǝmbǝrǝa malea ka, à nǝ̀ pusǝrǝia a banfana. Sǝ à nǝ̀ ɓun amur ankunia, à nǝ̀ peri aban Ɓakuli, à nǝ̀ nggǝ na ama, “Ɓafo na, Ɓakuli ka ndakani aɓalǝ wun!”

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 4:10

Aɓa mǝno anggo ka aɓwana-mǝgule lumi-ɓari-nong-ine gbal ka, à nǝ̀ kpa a nzali a ɓadǝm ɓwa mǝnana do amur bunomurǝm ngga. À nǝ̀ peri abani, yì ɓwa mana ndanǝ yilǝmu mana málá male pà kàm raka. Lang ɓǝ̀ à nda aɓa peri anggo ka, à nǝ̀ nongsǝ ambulan-murǝm malea a ɓadǝm bunomurǝm nì sǝ à nǝ̀ bangŋa ama:

Sǝna 5:14

Agiryilǝmu mǝno ine ka, à ear ama, “Amin!” Sǝ aɓwana-mǝgule ka, à kpa a nzali aban peri.