Luka 16:8 - Maləmce Məfele mala Ɓakuli: Kurcau Məbəshe

⁸ Mǝtala-ɓala ɓwangsǝ mǝɗenyi nǝ agirkuma mǝ'ɗwanyi mǝsǝcau nì mǝno ace kutan male. Acemǝnana aɓwana amǝkpata ɓanza mǝnia ka à ndanǝ kutan aɓa do malea a rǝarǝia à kuti aɓwana mǝnana amǝkpata Ɓakuli na ka.

Luka 16:8 ပူးပေါင်းရင်းမြစ်များ

Matiu 12:32

Ɓwa mǝnana na cau kyauwikiban amur Muna mala Ɓwa ka à nǝ̀ twali wi banì, sǝ ɓwa mǝnana na cau kyauwikiban amur Bangŋo Mǝfele ka à pà nǝ̀ twali wi banì ɗang, a ɓanza mǝnia andǝ ɓanza mǝnana nǝ̀ yiu ka.

Matiu 17:26

Bitǝrus eari wi ama, “A bu abǝri.” Pǝlǝa Yesu ne wi ama, “Lǝmndǝ ama amǝtala la ka, à pa aɓa mbwe ɗang.

Luka 16:10

Ɓwa mǝnana à gandǝ earnǝi arǝ gir mǝkyauwe ka à nǝ̀ earnǝi arǝ mǝgule gbal. Sǝ ɓwa mǝnana pànǝ mǝsǝcau arǝ mǝkyauwe raka, pà nǝ̀ dum nǝ mǝsǝcau arǝ mǝgule gbal ɗang.

Luka 16:4

Ado ka, ǝn surǝna rǝ gir mǝnana mǝ nǝ pak ka, ace mǝnana ɓǝa pǝrnam arǝ turo ka, aɓwana nǝ̀ em arǝ aɓala malea ka.”

Luka 16:7

Pǝlǝa ɗi ɓaria ama, “Shen sǝ à kǝ kpato?” Yì ka, eare ama, “Mǝssa tasau á-mwashat.” Oaso ne wi ama, “Twal malǝmce tangne, nyesǝi gilǝ gbǝman-tongno-nong-tārú.”

Luka 18:6

Pǝlǝa Yesu Mǝtalabangŋo na ama: Wu ok cau mǝnana murǝm-ɓashi mǝ'ɗwanyi mǝsǝcau man na ka!

Luka 20:34

Yesu earia wia ama: Aɓwana mǝnana a ɓanza man ngga à kǝ al rǝia sǝ à kǝ isǝ amunia.

Luka 20:35

Sǝ aɓwana mǝnana à sǝnia à karǝna à nǝ̀ lo a ɓembe sǝ à nǝ̀ kum kutio a ɓanza mǝno kǝ yiu ka, à pà nǝ̀ al rǝia ko à nǝ̀ isǝ amunia ɗang.

Yohana 12:36

Wu guli arǝ tǎlabanì ado mǝnana nda aban wun ngga, ace mǝnana ɓǝ̀ wu duk amuna mala tǎlaban.” Anzǝm mana Yesu naná man yì cau ka, pǝlǝa upia wia, à sǝni ɗǝm ɗang.

1 Amǝ Korinti 3:18

Ɓǝ̀ kǝɓwa ɓǝ̀ kǝa swarki ɓamuri ɗang. Sǝ ɓǝ̀ ɓe kǝɓwa aɓalǝ wun kǝ sǝni kǝla ndanǝ sǝlǝe mala ɓanza man ngga, yì ka, ɓǝ̀ kpata njar mǝnana amǝɓanza twali ɓanggea na ka, sǝ yì ka, nǝ̀ duk mǝsǝle aɓa mǝsǝcau.

Amǝ Afisu 5:8

Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.

Amǝ Filipi 3:19

Masǝlǝatea ka, kiɗiki na. Ɓakuli malea nda bumia, agir kǝsǝkya à nda ka agir jali malea, sǝ ɓabumia ka nda amur agir ɓanza.

1 Amǝ Tasalonika 5:5

Acemǝnana wun kat, wun amǝ'eamrǝarǝu, wu nda ka aɓwana mala tǎlaban, andǝa mala pwari. Sǝm ngga, sǝm nda ka mala du ko mala pǝndǝa ɗang.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.