Luka 16:2 - Maləmce Məfele mala Ɓakuli: Kurcau Məbəshe

² Pǝlǝa tunǝi ɗi ama, “Ya cau na man ǝn nggǝ o a muro ka? Bǝlam ɓa turo mo, acemǝnana a pà nǝ duk mǝɗenyi nǝ agirkuma mem ɗǝm ɗang.”

Luka 16:2 ပူးပေါင်းရင်းမြစ်များ

Matiu 12:36

Sǝ ǝn nggǝ na wun ama a pwari ɓashi ka aɓwana nǝ̀ bǝlki ɓa ko ya cau mǝɓane na pur a kunia ka.

Matiu 20:8

Lang pwari kpana ka, mǝtala ɓaban ne ɓwa mǝnana tsǝi ɓǝ̀ kǝ sǝnbi wi ɓaban ngga ama, “Tunǝ amǝturo, mbwea tangnakusǝia. Tite amur amǝ'nzǝmo sǝ wu kya mur amǝdǝmbǝa.”

Luka 12:20

Sǝ Ɓakuli ne wi ama, “We gǝm ɓwa! Àkǝ̀ bu du mǝnia ka, à nǝ̀ twal yilǝmio a rǝo. Sǝ agirbunda mǝnia a rambǝi ɓamuro ka, à nǝ̀ duk mala yana?”

Luka 12:42

Mǝtalabangŋo Yesu eare ama: Yana nda muna-ɓala mǝnana mǝsǝle na, à nǝ̀ earnǝi ka? Yì ka, nda ɓwa mǝnana mǝtala-ɓala male nyinggi wi ɓala a bui, ɓǝ̀ pe acilia amuna-ɓala girlina ɓǝ̀ pwari malea pangŋǝna ka.

Luka 16:1

Yesu ne alaggana male ɓe kanicau ɗǝm ama: Ɓe mǝkume na nǝ ɓwa mǝnana kǝ ɗenyi nǝ agirkuma male ka. À kya oasǝki muri ama mǝnia yì ɓwa ka kǝ kiɗiki kume male.

Luka 16:3

Mǝɗenyi nǝ agirkuma pak ɗenyicau ama, “Mana ado mǝ nǝ pa? Mǝtala-ɓala mem no nǝ̀ pǝram arǝ turo. Ən panǝ rǝcandǝa mǝ nǝ rikrya ɗang, sǝ kǝsǝkya kǝ pakkam arǝ zǝmnggi agir.

Amǝ Roma 14:12

Mǝno ka lǝmndǝ ama ko yana ata sǝm ngga, nǝ̀ bǝl kuni nǝ ɓamuri aban Ɓakuli.

1 Amǝ Korinti 1:11

Wun amǝ'eambǝam, aɓea amǝ ɓala mala Kuliwi bangŋǝnam ama, kúnɓuana na aɓalǝ wun.

1 Amǝ Korinti 4:2

Sǝ gir mwashat ɓǝrɓǝr mǝnana à earkiyi ce arǝ ɓwa mǝnana Ɓakuli nyinggi wi turo a bui ka, nda mǝnana ama, ɓǝa kumi nǝ mǝsǝcau.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

1 Timoti 4:14

Ce a burice ɓoro mala Bangŋo mǝnana a ndanǝi, mana à po nǝ na gi Ɓakuli, a pwari mǝnana amǝkurcau aɓwana-mǝgule amur ikǝlisiya tsǝko buia a muro ka.

1 Timoti 5:24

Ɗenyi ama, acauɓikea mala aɓea aɓwana ka, à nda banfana bwāng, koya ɓwa ka, sǝlǝna ama amǝnia yì aɓwana ka a nǝ pakkia wia ɓashi. Sǝ aɓea aɓwana nakam cauɓikea malea kǝ lǝmndǝ ɗang, she nǝ nzǝmo.

1 Bitǝrus 4:10

Ɓakuli panì koyan ngga ɓoro mala sǝlǝ pak ɓe kǝgir. Ace mani ka, ko yan ngga ɓǝ̀ pakturo nǝ male yi ɓoro ace pakkia acilia ɓwana gbasha, ace mǝnana ɓǝ̀ sǝm duk aɓwana mǝnana Ɓakuli earnǝia arǝ tsǝkir aɓoro male mǝnana à ndakam ɗàngɗáng ngga.

1 Bitǝrus 4:5

sǝ yia ka, à nǝ̀ ngga bǝl kunia aban Ɓakuli mǝnana angŋa dǝmbǝa gilǝna rǝì ace pakki aɓwana mǝnana nǝ yilǝmu andǝ alú ka ɓashi.

Sǝna 20:12

Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.