Luka 16:15 - Maləmce Məfele mala Ɓakuli: Kurcau Məbəshe

¹⁵ Pǝlǝa Yesu nea wia ama: Wu ndaka aɓwana mǝnana wu kǝ lǝmndǝì acili aɓwana ama wu ndaka amǝɓoarne, sǝ Ɓakuli ka surǝna ɓabum wun. Gir mǝnana ɓwapǝndǝa gusǝlǝi kǝrkǝr ka mǝɓeami na aban Ɓakuli.

Luka 16:15 ပူးပေါင်းရင်းမြစ်များ

Matiu 23:5

Ko man à kǝ pak le ka à kǝ lǝmndǝki ɓǝ̀ aɓwana sǝni. Pak ka amuna-luru malea mala tsǝk amǝ'mbu-malǝmce mala cau mala Ɓakuli ka à kǝ pea ɓǝa tanggî mala acili aɓwana sǝ à nǝ̀ kurkia a kundǝmbǝia andǝ amelbuia. Ankonggur kun adaura malea ka amǝsake na.

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:2

Ɓǝ̀ wu nǝ̀ pe amǝtǝle ɓoro ka, wu kǝa ham nǝ ce, kǝla pě mala amǝ'kunɓarina aɓalǝ andakpapi mala amǝ Yahudi andǝ mur anjarɓala ka ɗang. À kǝ pa anggo ace mǝnana ɓǝ̀ aɓwana sǝn aturo-ɓoarna malea ɓǝa ɓwangsǝia. Ən nggǝ bangga wun mǝsǝcau, à angŋǝna tangnakusǝia cikcik.

Matiu 6:5

Ɓǝ̀ wu nǝ̀ pak hiwi ka, wu kǝa pe a pě mala amǝ'kunɓarina ɗang, mǝnana à kǝ earce camnggi aɓalǝ andakpapi andǝ agauwata anjarɓala sǝ à nǝ̀ pak hiwi, ace mǝnana ɓǝ̀ aɓwana sǝnia ka. Ən nggǝ bangga wun mǝsǝcau à angŋǝna dǝmbǝa à kumǝna tangnakusǝia.

Luka 10:29

Sǝ yì ka, earce nǝ̀ lǝmndǝ ama ɓwarki raka, pǝlǝa ɗi Yesu ama, “Yana nda ɓeam?”

Luka 11:39

Pǝlǝa Mǝtalabangŋo ne wi ama: Wun amǝ Farisi ka wu kǝ lak nzǝm kwar andǝ nzǝm tasau, sǝ ɓabum wun ngga lumsǝ nǝ mɓali andǝ ɓealɓikea.

Luka 18:11

Pǝlǝa ɓwa Farisi lo came pak hiwi amur ɓamuri. Na ama, “Ɓakuli, ǝn pakko yàwá, acemǝnana mǝ nda mǝ'cauɓikea kǝla acili aɓwana ɗang. Ən pa kǝla amǝ'ɓǝmbǝriban, amǝ ɗwanyi do amur mǝsǝcau, amǝ'nongginǝban a nza mala doɓala, ko kǝla mǝnia yì mǝcemi ka ɗang.

Luka 18:14

Ən nggǝ na wun ama, mǝnia yì ɓwa ka, nyare aban o ɓala male ka, mǝ'cauɓoarna na a ɓadǝm Ɓakuli, pa kǝla mala ɓwa Farisi ɗang. Acemǝnana koyana sǝ kǝ twalɓamuri ka, à nǝ̀ kyauwiki, sǝ ɓwa mǝnana kǝ nongsǝ ɓamuri ka, à nǝ̀ gusǝlǝi.

Luka 18:21

Pǝlǝa ɓwe na ama, “Amǝnia ka, yale mǝ nda muntulo sǝ ǝn bwalia.”

Luka 18:9

Yesu na mǝnia yì kanicau ka arǝ aɓwana mǝnana à twali ɓamuria ama yia ka à ndaka amǝ'cauɓoarna, sǝ à ɓǝsǝki acili aɓwana à nyesǝia amǝ'cauɓikea na ka, ama:

Luka 20:20

Aɓiamǝbura tsǝki wi mǝsǝu, pǝlǝa à tasǝ amǝ'iucau, mǝnana à lǝmndǝa kǝla amǝ'mǝsǝcau na ka. A ɗenyicau malea ka à nǝ̀ bwal Yesu aɓa cau mǝnana pur a kuni ka, sǝ à nǝ̀ ká nǝi a ɓabu mǝtala-nzali, yì nggwamna mala amǝ Roma.

Luka 20:47

À kǝ ɓǝmbǝri aman-lú arǝ agirkuma malea, sǝ à kǝ ɓosǝki aɓwana nǝ pakki ahiwi mǝ'sake. A ulang yia ka à nǝ̀ pakkia wia ɓashi mǝcande.”

Yohana 2:25

Yesu pà aban alte ɓǝ̀ kǝɓwa ɓǝ̀ ne wi cau amur ɓwapǝndǝa ɗang, acemǝnana yì nǝ ɓamuri ka surǝna rǝ ɓabum ɓwapǝndǝa.

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

Amǝ Mishan 1:18

(Nǝ boalo mala turo mǝɓane, sǝ Yahuda kúr nzali, pǝlǝa a ɓalǝi sǝ kpa, sok muri wǔ, bumi ara, alungŋe sukkio a nza.

Amǝ Mishan 1:24

Pǝlǝa à pak hiwi ama, “We Mǝtalabangŋo, mǝnana surǝ ɓabum koyan kat ka, lǝmndǝa sǝm yana a twalo aɓalǝ aɓwana mǝnia ɓari ka,

Amǝ Mishan 15:8

Ɓakuli mana surǝ ɓabum koyan ngga, yi lǝmndǝna ama, yì ka, angŋǝnia, acemǝnana pea wia Bangŋo Mǝfele kǝla mana pa sǝm ngga.

Amǝ Roma 3:20

Kǝ ɓwa pà kàm nǝ̀ duk mǝ'cauɓoarna a ɓadǝm Ɓakuli acemǝnana bwal Nggurcau ka ɗang. Gir mǝnana Nggurcau pakki ka, nda lǝmndǝa sǝm ulang do cauɓikea ma'sǝm.

Amǝ Roma 8:27

Sǝ Ɓakuli mǝnana sǝnggiyi ɓabum ngga, surǝna rǝ ɗenyicau mala Bangŋo. Acemǝnana Bangŋo kǝ zǝmbǝa ace aɓwana mala Ɓakuli, amur gir mǝnana nê mala Ɓakuli na ka.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

1 Bitǝrus 3:4

Gilǝki rǝǔ ma'wun ngga, ɓǝ̀ duk mala ɓabum wun, yì ɓoarnsari mǝnana pà nǝ̀ mal raka, yì ɓoarnsari mala ɓealǝu ɓukɓuka, andǝ do bwalrǝu arǝ aloasǝkiaban. Ulang mǝnia yì ɓealǝu ka, nggea gir mǝgule na aban Ɓakuli.

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.