Luka 15:28 - Maləmce Məfele mala Ɓakuli: Kurcau Məbəshe

²⁸ Sǝ muna mǝgule ka bumi lullo, ginǝ kutia ɓala. Tarrí puro yi kumi, camarǝ ɓuakia rǝì.

Luka 15:28 ပူးပေါင်းရင်းမြစ်များ

Matiu 20:11

Lang à angŋǝna boalo ka, à tita nggwani arǝ mǝtala ɓaban.

Markus 1:40

Ɓe ɓwa mǝdakali yiu yi kūndǝo a ɓadǝm Yesu, zǝmbǝi wi ama, “Ɓǝ̀ a nǝ ear ka, a nǝ gandǝ twalam ban mǝnia yì kwano ka ɓǝ̀ rǝam ɓoarnsari.”

Luka 13:34

Wun amǝ Urǝshalima! Wun amǝ Urǝshalima! Wun mǝnana wu kǝ wal-lú amǝ'ɓangna mala Ɓakuli ka. Aɓwana mǝnana à turia aban wun ngga wu kǝ ɓukkia nǝ atali, ɓǝa wu. Kusǝ shen Mǝ nda ban earce ram wun aban mǝ'mwashati, kǝla mǝnana nggu kǝ ramnggi amuni aɓa mkpamtari ka, sǝ wu ear ɗang.

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 15:27

Mǝturo-ɓala eari wi ama, “Mǝ'kyauweo na yiu ka, nda tárro wal jamnda mǝ'nyane, acemǝnana nyarǝna yina bǎng, yi kumǝni.”

Luka 15:29

Sǝ ne tarrí ama, “Sǝn apǝlǝa mǝnia pas mǝ nda ban pakko turo kǝla guro, ko ǝn mgbikio kiru arǝ cau mo àkǝ̀ pwari ɗang. Kat andǝ amani anggo ka, ko kǝ muna-mbul mǝnana a nǝ pam ama ɓǝ̀ ǝn twani ɓǝ̀ sǝm pakiɗire sǝnǝ agyajam mem ngga, pà kàm ɗang!

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 14:19

Aɓea amǝ Yahudi pur nǝ Antiyok (a bu-nzali Pisidiya) andǝ Ikoniya, à yì nun ɓwabunda a bui malea. Pǝlǝa à ɓukki Bulǝs nǝ atali, à nunggi, à pusǝì, à kya turi anzǝm nggeala, à kǝ sǝni kǝla wuna.

Amǝ Mishan 14:2

Sǝ amǝ Yahudi mana à paɓamuria raka, à soakita aɓwana mana amǝ Yahudi na raka, ɓǝa pǝlǝ arǝ amǝkwaɗi, ɓǝa ɓinǝ mǝsǝia.

Amǝ Roma 10:19

Sǝ ǝn nggǝ ɗiban ɗǝm nǝma: “Nggearǝì ka, amǝ Isǝrayila bwalta ce re? E, à bwalte, acemǝnana a nza mala Musa ka, Ɓakuli bangŋa ama, “Mǝ nǝ tsǝa, wu nǝ̀ pak mɓali arǝ aɓwana mǝnana à karǝ kǝgir raka. Mǝ nǝ tsǝa, bum wun nǝ lullo, arǝ cili anzali mǝnana à surǝ kǝgir raka.”

2 Amǝ Korinti 5:20

Ace mani ka, sǝm nda ka mǝ'pwantu mala Kǝrǝsti; Ɓakuli na rǝ ɓuaki arǝ wun nǝ kun sǝm ama wu kwaki kir wun arǝ cau ma'sǝm. Sǝm nggǝ ɓuaki arǝ wun a kuni Kǝrǝsti ama, wu gilǝki nre wun wunǝa Ɓakuli.

1 Amǝ Tasalonika 2:16

acemǝnana à kǝ ɓariki ama à nǝ̀ mgbali kun sǝm, ɓǝ̀ sǝm ngga hamnǝ cau mala yilǝmu aban aɓwana arǝ aɓea nzali ɗang. Yì cau mǝnana nda nǝ̀ yinǝi aɓwana amsǝban ngga. Sǝ anggo ka, kara à camarǝ gwaliki cauɓikea amur acauɓikea malea aban káne a lumsǝo. Sǝ bumlulla mala Ɓakuli a masǝlǝate ka sulǝna amuria!