Luka 14:21 - Maləmce Məfele mala Ɓakuli: Kurcau Məbəshe

²¹ Guro nyare yi ne mǝtala-ɓala male acau mǝno kat. Mǝtala-ɓala ka bumi lullo, pǝlǝa banggi guro male ama, “Nyare o amur anjargula andǝ anreɓala, kyane kya tunǝki amǝtǝr, amǝ kusǝ-wuna, ante andǝ agbakǝre.”

Luka 14:21 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 11:5

Ante kǝ sǝnban, agbakǝre kǝ gya, à kǝ twali amǝdakali ban akwano bǝsa malea, amǝkir'ara kǝ okban, à kǝ loasǝ alú, sǝ à kǝ hamnǝ Cau Amsǝban aban amǝtǝr.

Matiu 15:12

Alaggana male pǝlǝa à yiu abani sǝ à ɗi ama, “A sǝlǝ ama bum amǝ Farisi lullo arǝ cau mana a ne ka?”

Matiu 18:31

Aɓi amǝturo sǝn gir man ngga bumia kìɗìkì, pǝlǝa à kya banggi ɓwamǝgule malea ce kat.

Matiu 20:7

À eari wi ama, “Kǝ ɓwa pa sǝm turo mǝnana sǝm nǝ̀ pak ka ɗang.” Pǝlǝa nea wia ama, “Wu kyan gbal a turo a ɓaban mem.”

Luka 14:13

Ɓǝ̀ a nǝ tunǝban ace ligirlina banɓoarnado ka, tunǝ amǝtǝr, amǝkusǝu-wuna, agbakǝre, andǝ ante.

Luka 14:20

Ɓe ɓwa na ɗǝm ama, “Ən loa isǝ mɓwama, pà mǝ nǝ gandǝ ká ɗang.”

Luka 14:22

Pǝlǝa guro nyare yi ne wi ama, “Ɓwamǝgule, gir mǝnana a na ce ka à pangŋǝni, sǝ cili ban nakam.”

Luka 14:24

Ən nggǝ na wun, aɓwana mǝnana à turia ban ngga, kǝɓwa pà kàm atea nǝ̀ ok girlina mem a kuni ɗang!”

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Luka 9:10

Lang amǝ'mishan nyarǝna ka, à yì banggi Yesu agir kat mǝnana à pak ka. Pǝlǝa umia, yia nǝmurǝia, a ɓe la mǝnana à kǝ tunǝi ama Beseda ka.

Yohana 9:39

Pǝlǝa Yesu na ama, “Ən yiu aɓa ɓanza man ace ɓashi, ace mǝnana ɓǝ̀ ante kum sǝnban, sǝ aɓwana mǝnana à kǝ sǝnban ngga, ɓǝa pǝlǝ ante.”

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

Amǝ Ibǝru 2:3

lang sǝ sǝm nǝ̀ auwa, yi mǝnana ɓǝ̀ sǝm burice mǝnia yì amsǝban mǝgule ka? Mǝtalabangŋo bang ce a nggea dǝmbe, sǝ aɓwana mǝnana a oe nǝ kiria ka, à na sǝm ama, kǝ nda anggo.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

Sǝna 19:15

A ɓakuni ka, nggeabyau mǝceauwe kǝ puro mǝnana nǝ̀ gandǝna aɓwana nǝi arǝ anzali, mǝnana à mgbikiru ka. “Nǝ̀ yal muria nǝ gara-bolo.” Aɓiamǝbura ka nǝ̀ parkia aɓa tūli ɓa nggea tali kamnggi mùr-anap. Nǝ̀ pak mǝnia ka ace lǝmndǝ bumlulla mǝcande mala Ɓakuli mana Karban kat ka amur amǝ'ɓealɓikea.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.