Luka 14:13 - Maləmce Məfele mala Ɓakuli: Kurcau Məbəshe

¹³ Ɓǝ̀ a nǝ tunǝban ace ligirlina banɓoarnado ka, tunǝ amǝtǝr, amǝkusǝu-wuna, agbakǝre, andǝ ante.

Luka 14:13 ပူးပေါင်းရင်းမြစ်များ

Matiu 15:30

Ɓwabunda pas yiu abani. À yiu nǝ aɓwana mana à su ka, ante, a gbakǝre, amǝ'talasǝuɓunna andǝ acilia pas, à yì nongsǝia a ɓadǝmbǝi; sǝ twalia wia ban akwano malea.

Matiu 22:10

Nda amuna-ɓala man puro à o arǝ agauwata anjarɓala sǝ à tunǝki aɓwana kat mǝnana à kum ngga, amǝɓane andǝ amǝɓoarne. À yì lumsǝ ɓala isǝban.

Luka 11:41

Ɓe wu nǝ̀ pe amǝtǝr agir mǝnana wu ndanǝia ka, ko mana ma'wun kat ka nǝ̀ dupa wun nǝ ɓoarnsari.

Luka 14:12

Yesu pǝlǝa ne ɓwa mǝnana tunǝban ngga ama: Ɓǝ̀ a tunǝban ace ligirlina banɓoarnado ko pakiɗire ka, ce a tunǝ agyajam mo, ko amǝ'eambǝo, ko aɓǝla mo, ko aɓeo amǝ murkala amǝ kume ɗang. Ɓǝ̀ a pa anggo ka, yia ka à nǝ̀ tunǝo gbal a malea, sǝ anggo ka lǝmndǝna ama à mbweno a kuni.

Luka 14:14

Anggo sǝ a nǝ kum tsǝkbu mala Ɓakuli. Acemǝnana à pà nǝ̀ gandǝ mbweo raka, a nǝ ngga kum mbweban mo a pwari mǝnana amǝ'ɓealɓoarna nǝ̀ loapi ɓembe nǝi ka.

Luka 14:21

Guro nyare yi ne mǝtala-ɓala male acau mǝno kat. Mǝtala-ɓala ka bumi lullo, pǝlǝa banggi guro male ama, “Nyare o amur anjargula andǝ anreɓala, kyane kya tunǝki amǝtǝr, amǝ kusǝ-wuna, ante andǝ agbakǝre.”

Amǝ Mishan 9:39

Pǝlǝa Bitǝrus lo o atea. À yiu à yì bwalǝna ka, à kuti nǝi aɓa ndakuli. Aman-lú kat à kàrǝì aɓalǝu à kǝ ɓua, sǝ à kǝ lǝmndǝki wi adaura andǝ acili agir-nggurǝu mǝnana Dokas pakkia wia mana malaká wu raka.

1 Timoti 3:2

Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

Titus 1:8

A kun mani ka, dumǝna púp ama nǝ̀ duk mǝ'ak aɓwana, andǝ mǝ'earce gir mǝnana mǝɓoarne na ka. Yì ka, nǝ̀ dum nǝ bwalɓamuru, andǝ came amur mǝsǝcau, andǝ do tar ɓamuru ace Ɓakuli, andǝ hamírǝu.

Filimon 1:7

Earcearǝu mo panam banɓoarnado kǝrkǝr andǝ girikiban, mǝ'eambǝam, acemǝnana pe mǝɓoarne mo yina nǝ bumpwasǝa aban aɓwana mala Ɓakuli kat.

Amǝ Ibǝru 13:2

Wu kǝa aulǝ nǝ ak abǝri ɗang. Acemǝnana anggo sǝ aɓea aɓwana mǝnana à kǝ ak abǝri ka, à kumo à ak amǝturonjar a ɓala malea, sǝ à sǝlǝ ɗang.