Luka 14:11 - Maləmce Məfele mala Ɓakuli: Kurcau Məbəshe

¹¹ Acemǝnana koya ɓwa na mana twal ɓamuri ka, à nǝ̀ nyesǝi ɓà, sǝ ɓwa mǝnana nongsǝ ɓamuri ka, à nǝ̀ gusǝlǝi.

Luka 14:11 ပူးပေါင်းရင်းမြစ်များ

Matiu 23:12

Ɓwa mǝnana gusǝlǝ ɓamuri ka à nǝ̀ kyauwiki, sǝ ɓwa mǝnana kyamsǝ ɓamuri ka à nǝ̀ gusǝlǝi.

Luka 1:51

Pangŋǝna aturo mǝgulke nǝ murbui, sǝ mesǝkina amǝ'gusǝlǝ muru andǝ aɗenyicau malea kat.

Luka 1:52

Yi sulǝna amurǝma amur abuno-murǝm malea, sǝ loasǝna amǝ nyesǝmuru.

Luka 14:12

Yesu pǝlǝa ne ɓwa mǝnana tunǝban ngga ama: Ɓǝ̀ a tunǝban ace ligirlina banɓoarnado ko pakiɗire ka, ce a tunǝ agyajam mo, ko amǝ'eambǝo, ko aɓǝla mo, ko aɓeo amǝ murkala amǝ kume ɗang. Ɓǝ̀ a pa anggo ka, yia ka à nǝ̀ tunǝo gbal a malea, sǝ anggo ka lǝmndǝna ama à mbweno a kuni.

Luka 18:14

Ən nggǝ na wun ama, mǝnia yì ɓwa ka, nyare aban o ɓala male ka, mǝ'cauɓoarna na a ɓadǝm Ɓakuli, pa kǝla mala ɓwa Farisi ɗang. Acemǝnana koyana sǝ kǝ twalɓamuri ka, à nǝ̀ kyauwiki, sǝ ɓwa mǝnana kǝ nongsǝ ɓamuri ka, à nǝ̀ gusǝlǝi.

Jemis 1:9

Mǝ'eamrǝarǝu mǝnana mǝtǝr na ka ɓǝ̀ pak banɓoarnado acemǝnana Ɓakuli kǝ twali nǝ gulo kǝrkǝr.

Jemis 4:10

Wu nongsǝmur wun a ɓadǝm Mǝtalabangŋo, sǝ yì ka, nǝ̀ gusǝlǝ wun.

Jemis 4:6

Sǝ Ɓakuli ka kǝ pa sǝm ɓwamuru kǝrkǝr. Nda gir mǝnana tsǝa sǝ Malǝmce na ama, “Ɓakuli kǝ ɓinǝ cau mala amǝ'twalɓamuru, sǝ kǝ ɓwamur amǝ'nongsǝmuru.”

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”

1 Bitǝrus 5:6

Ace mani ka, wu nyesǝ mur wun aɓata rǝcandǝa mǝgule mala Ɓakuli, sǝ ɓǝ̀ pwari male karǝ ka, nǝ̀ loasǝ wun a kuli.