Luka 13:33 - Maləmce Məfele mala Ɓakuli: Kurcau Məbəshe

³³ Kat andǝ amani ka, mǝ nda amur gya yalung andǝ li sǝ liawo. Mǝsǝcau ka à nǝ̀ wal-lú kǝ mǝɓangna mala Ɓakuli sǝ pà aɓa Urǝshalima ɗang re!”

Luka 13:33 ပူးပေါင်းရင်းမြစ်များ

Matiu 20:18

Sǝm ndo sǝm nggǝ eauwe aban ká a Urǝshalima ka, sǝ Muna mala Ɓwa ka à nǝ̀ ngga me aban agbani pǝris andǝ amǝkani Nggurcau. À nǝ̀ pakki wi ɓashi mǝnana nǝ̀ ká nǝi a lú ka.

Matiu 21:11

Aɓwabunda ear ama, “Mǝnia ka Yesu na, Mǝɓangna mala Ɓakuli mǝnana pur a Nazarat, a bu-nzali Galili ka.”

Luka 9:53

Sǝ àkǝ̀ la mǝno ka kǝɓwa gingsǝi ɗang, acemǝnana yì ka, tsǝk muri aban ká nǝ Urǝshalima.

Yohana 11:54

Ace mani ka Yesu nyare ging ɗǝm bwāng aɓalǝ amǝ Yahudi ɗang. Nying Urǝshalima sǝ o a muna-la Ifǝrem, mǝnana nda nǝ ɓabondo, tu aban kpawanban ngga. Akano sǝ kya do andǝ alaggana male.

Yohana 11:9

Pǝlǝa Yesu earia wia ama, “Abúpwari mala tǎlaban aɓa pwari mwashat ka à nda lum-nong-ɓari. Nǝ pwari ka ɓwa nǝ̀ gandǝ gya pà nǝ̀ anndǝ ɗang, acemǝnana kǝ sǝn tǎlaban mala ɓanza man.

Yohana 12:35

Yesu earia wia ama, “Tǎlaban ngga nda aban wun ado, sǝ banì pà nǝ̀ sau ɗang. Wu gya aɓa mǝnia yì tǎlaban ado mǝnana nda aban wun ngga, ace mǝnana ɓǝ̀ pǝndǝa ɓǝ̀ kǝa gir amur wun ɗang. Aɓwana mǝnana à kǝ gya aɓa pǝndǝa ka, à kǝ gandǝ sǝn ban mǝnana à káki kam ngga ɗang.

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 9:4

Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 13:27

Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.