Luka 13:15 - Maləmce Məfele mala Ɓakuli: Kurcau Məbəshe

¹⁵ Mǝtalabangŋo pǝlǝi wi ama, “Wun amǝ'kunɓarina! Ko yan aɓalǝ wun ngga kǝ panzǝ jamnda ko mǝndambǝritso male a domwan kǝ um nǝi a pe wi mur a pwari usǝlǝo re?

Luka 13:15 ပူးပေါင်းရင်းမြစ်များ

Matiu 15:14

Wu ɗekia; yia ka à ndaka ante mana à kǝ bwali ante gara ka. Ɓǝ̀ nte bwali nte gara ka, yia kǝm ngga à nǝ̀ kpa tūli.”

Matiu 15:7

Wun amǝ'kunɓarina! Ɓangna mala Ishaya amur wun ngga nda a njari, mǝnana bangŋa ama:

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Matiu 23:28

Ana gbal, a nza ka aɓwana kǝ sǝn wun kǝla wu ndaka amǝ'ɓealɓoarna, sǝ a ɓabum wun ngga wu lumsǝ nǝ swarkiban andǝ ɓealɓikea.

Matiu 7:5

We mǝ'kunɓarina, pusǝ gbǝlanggun mǝnana a mǝsǝo ka peatu, sǝ a wu nǝ sǝnban pepe mǝnana a nǝ pusǝî ɓeo kǝkar mana a mǝsǝì ka.

Luka 12:1

Anggo ka, lang ɓwabunda mǝnana lakki malea na á-pas à yì ramǝna aban Yesu gandǝa à kǝ parki rǝarǝia ka, Yesu tita na cau peatu nǝ alaggana male ama: Wu par kir wun arǝ yis mala amǝ Farisi. Mǝ nda ban na cau amur kúnɓárína malea.

Luka 14:5

Pǝlǝa ɗia ama, “Yan aɓalǝ wun mǝnana ɓǝ̀ muni ko jamnda male kpa a tūli a pwari Sabbat ka, pà nǝ̀ pusǝì a kaurǝa raka?”

Luka 6:42

Palang sǝ a wu ne mǝ'eambǝo ama, “Mǝ'eambǝam, came mǝ pyaupo kǝkar mǝnana a mǝsǝo ka,” yi mǝnana a gandǝ sǝn gbǝlang nggun mana a mo yì mǝsǝu raka? We mǝswarki ɓamuru! Pusǝ gbǝlang nggun mǝnana a mǝsǝo ka peatu, sǝ a nǝ gandǝ sǝnban pepè mǝnana a nǝ pyau kǝkar mǝnana a mǝsǝ ɓeo ka.

Luka 7:13

Lang Mǝtalabangŋo sǝn mɓwama man ngga, mǝsǝswatǝr male bwali, pǝlǝa ne wi ama, “Ce a ɓua ɗang!”

Luka 7:19

sǝ tasǝia aban Mǝtalabangŋo ɓǝa kya ɗi ama, “A nda Kǝrǝsti Mǝ'amsǝban, mǝnana sǝm nggǝ kundǝ ka le, ko ɓǝ̀ sǝm kundǝ ɓeɓwa ɗàng?”