Luka 12:9 - Maləmce Məfele mala Ɓakuli: Kurcau Məbəshe

⁹ Sǝ ɓwa mǝnana kat makgir surǝam a ɓadǝm ɓwapǝndǝa ka, mǝ nǝ makgir surǝe gbal a ɓadǝm amǝturonjar mala Ɓakuli.

Luka 12:9 ပူးပေါင်းရင်းမြစ်များ

Matiu 10:33

Sǝ ɓwa mǝnana makgir surǝam a dǝmbǝa ɓwana ka, mim gbal ka mǝ nǝ makgir surǝe a ɓadǝm Tárram mǝnana a kuli ka.

Matiu 25:12

Bura-manfela earia wia ama, “Ɓafo, ǝn surǝ wun ɗang.”

Matiu 25:31

A pwari mana Muna mala Ɓwa nǝ̀ yiu aɓa gulo male, andǝ amǝturonjar kat ate ka, nǝ̀ yia do amur bunomurǝm male.

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Matiu 7:23

Pǝlǝa mǝ nǝ banggia wia ama, “Ən surǝ wun pale ɗang. Wu upi banam, wun amǝ'ɓealɓikea!”

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 22:57

Bitǝrus pǝlǝa tǝmce ama, “Mɓwama, ǝn surǝ ɓwe ɗang.”

Luka 9:26

Ɓǝ̀ kǝsǝkya kǝ pakki ɓwa a rǝam andǝ cau mem ngga, kǝsǝkya nǝ̀ pakki Muna mala Ɓwa a rǝì, a pwari mǝnana nǝ̀ yiu nǝi, aɓa ɓoarɓwa male andǝ ɓoarɓwa mala Tarrí andǝ mala amǝturonjar mǝfele ka.

2 Timoti 2:12

Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.

1 Yohana 2:23

Ɓwa mǝnana ginǝ eare ama Yesu nda Muna mala Ɓakuli ka, ginǝna Ɓakuli Tarrû, sǝ ɓwa mǝnana earnǝi ama Yesu nda Muna mala Ɓakuli ka, earǝna nǝ Ɓakuli Tarrû gbal.

1 Yohana 2:28

Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

Sǝna 3:8

Ən surǝ aturo mo. Sǝni ǝn mǝnbǝno kunkurǝm a ɓadǝmbǝo mǝnana kǝɓwa kārǝa nǝ̀ gìrì raka. Ən sǝlǝna ama rǝcandǝa mo na bǝti, sǝ kat andǝ amǝno ka, a bwal cau mem, a kpate, sǝ a ginǝce lullǝam ɗang.