Luka 12:48 - Maləmce Məfele mala Ɓakuli: Kurcau Məbəshe

⁴⁸ Sǝ ɓwa mǝnana sǝlǝ ɗang sǝ pak gir mǝnana ɓoaro ɓǝa kwe ace ka, à nǝ̀ kwe bǝti. Ɓwa mǝnana à pe wi kpǝm ngga, à nǝ̀ alte a bui kpǝm. Sǝ ɓwa mǝnana à pe wi kpǝm ngga, à nǝ̀ ɗice a bui gbal kpǝm.

Luka 12:48 ပူးပေါင်းရင်းမြစ်များ

Matiu 13:12

Aɓwana mana à kǝ kwaki kiria arǝ kanigir mem ngga à nǝ̀ pea wia ɓe sǝlǝ amur mǝnana à ndanǝi ka, sǝ à nǝ̀ kum surǝgir kpǝm. Sǝ aɓwana mana à kǝ kwaki kiria raka, kǝ mǝnana à ndanǝi ka à nǝ̀ é a rǝia.

Matiu 23:14

[Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu kǝ lǝmndǝ rǝ wun kǝla wu nda ka amǝ'ɓealɓoarne nǝ pakki ahiwi mǝsauwe, sǝ ɓafo ka wu nda mana wu kǝ kumsǝ kun aman-lú wu kǝ liki agirkuma malea arǝ ɓala malea ka. Ace mani ka Ɓakuli nǝ̀ pa wun tanni mana kutibanì ka kǝrkǝr.]

Luka 12:41

Bitǝrus ɗiban ama, “Mǝtalabangŋo, sǝm nda a nakiya sǝm mǝnia yì kanicau ka le ko a ndaban ne aɓwana kat?”

Luka 12:49

Ən yiu ace soa bǝsa a ɓanza. Eare mem ngga ɓǝ́ bǝshe ka ndaban earke!

Luka 16:2

Pǝlǝa tunǝi ɗi ama, “Ya cau na man ǝn nggǝ o a muro ka? Bǝlam ɓa turo mo, acemǝnana a pà nǝ duk mǝɗenyi nǝ agirkuma mem ɗǝm ɗang.”

Yohana 15:22

Ɓǝ̀ ǝn yiu ma ǝn yi namia cau raka, ɓǝ́ cauɓikea pa a ɓamuria ɗang. Sǝ ado ka à pànǝ kun na cau ace acauɓikea malea ɗang.

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

1 Timoti 1:11

Mǝnia yì kanigir ka pur aɓa Cau Amsǝban mǝɓoarne, mana Ɓakuli mǝnana ɓoaro ɓǝa pe wi ɓwangsǝban ngga, pam a buam ngga.

1 Timoti 1:13

kat andǝ amani ama ɗiɗyal ka, ǝn zalǝki nǝ kunam, ǝn pe aɓwana male tanni, sǝ ǝn lǝmndǝì wi ɓeal ɓǝsǝkiban ngga. Sǝ Ɓakuli ka sǝn mǝsǝswatǝr mem, acemǝnana ǝn pe aɓa ɗwanyi sǝlǝe andǝ ɗwanyi paɓamuru abanì.

1 Timoti 6:20

Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.

Titus 1:3

Anggo lang pwari male mǝnana tsǝk ka yi karǝna ka, Ɓakuli yi lǝmndǝi a banfana aɓa cau male. Mǝnia yì cau ka, à pam sǝ ǝn yi hamnǝi kǝla mǝnana Ɓakuli Mǝ'amsǝ sǝm tasǝam ngga.

Jemis 3:1

Wun amǝ'eamrǝarǝu, bangula wun ɓǝa kǝa duk amǝkanigir aban kpapi mala amǝkwaɗi ɗang, kǝla mǝnana wu sǝlǝna ka, sǝm amǝkani cau mala Ɓakuli ka, ɓashi ma'sǝm aban Ɓakuli ka nǝ̀ cande nǝ̀ yalî mala acili aɓwana.