Luka 12:4 - Maləmce Məfele mala Ɓakuli: Kurcau Məbəshe

⁴ Ən nggǝ na wun, wun agyajam mem, wu kǝa ɓanggi aɓwana mǝnana à nǝ̀ wal lú ɓwa, sǝ anzǝmi ka à pànǝ kǝgir mǝnana à nǝ̀ pak ka ɗang.

Luka 12:4 ပူးပေါင်းရင်းမြစ်များ

Matiu 10:28

Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.

Yohana 15:13

Earcearǝu mǝgule kat mǝnana ɓwa nǝ̀ lǝmndǝì agyajam male ka, nda mǝnana ɓǝ̀ pà yilǝmi acea ka.

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Mishan 4:13

Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.

Amǝ Filipi 1:28

Wu kǝa dum nǝ ɓangciu a ɓadǝm aɓi wun amǝbura ɗang. Mǝno ka, nda nǝ̀ lǝmndǝia wia ama à nǝ̀ ngga kiɗiki, sǝ wun ngga wu nǝ̀ auwa. Mǝnia ka nda pe mala Ɓakuli.

Jemis 2:23

Sǝ cau mǝnana Malǝmce bangŋi ama, “Ibǝrayim earnǝ cau mala Ɓakuli, sǝ Ɓakuli lǝmndǝí mǝ'cauɓoarna na” ka, yi duk mǝsǝcau, nda sǝ à tunǝi ama gyajam mala Ɓakuli ka.

1 Bitǝrus 3:14

Sǝ ko ɓǝ̀ wu kum tanni ace pak gir mǝnana nda a njari ka, wu ndanǝ tsǝkbu mala Ɓakuli. Ace mani ka, “bum wun ɓǝ̀ kǝa zurǝki ɗang, sǝ ɓangciu ɓǝ̀ kǝa pakka wun ɗang.”

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.