Luka 12:37 - Maləmce Məfele mala Ɓakuli: Kurcau Məbəshe

³⁷ Ban nǝ̀ ɓoari amǝno yia amuna-ɓala ka, yì mǝnana ɓǝ̀ mǝtala-ɓala yiu yi kumia andǝ amǝsǝia ka. Ən nggǝ na wun ɓafo, nǝ̀ kur rǝì, nǝ̀ nea wia ɓǝa do, sǝ nǝ̀ pea wia girlina.

Luka 12:37 ပူးပေါင်းရင်းမြစ်များ

Matiu 24:42

Ace mani ka, wu tsǝk kir wun acemǝnana wu surǝ pwari mǝnana Mǝtala wun nǝ̀ yiu nǝi ka ɗang.

Luka 12:36

Kǝla aɓwana mǝnana à kǝ kundǝmur mǝtala-ɓala malea ɓǝ̀ nyari ban isǝban ngga. Acemǝnana ɓǝ̀ nyarǝna sǝ yi walkina kunɓala ka, à nǝ̀ lo a kaurǝa, à nǝ̀ mǝnmbi wi.

Luka 12:43

Mǝno yì muna-ɓala ka ndanǝ banɓoarnado yi mǝnana ɓǝ̀ mǝtala-ɓala male nyare yi kumi ndaban pak turo mǝnana à pe wi ka.

Luka 17:8

Pa nǝ̀ ne wi ama, “Pakkam girlina peatu, wu yi tsǝkami a ɓadǝmbǝam, ɓǝ̀ ǝn linali sǝ ǝn nuna mur ka, sǝ a wu nǝ lili, a wu nǝ nu mur re?”

Luka 21:36

Wu dum nǝ mǝsǝ wun ko aya pwari, nǝ́ pak hiwi ace mǝnana ɓǝ̀ wu api amǝnia yì agir mana à mala à nǝ̀ kumban, sǝ ɗǝm ngga ɓǝ̀ wu kum kusǝu came a ɓadǝm Muna mala Ɓwa ka.

Luka 22:27

Yana nda ɓwamǝgule, ɓwa mǝnana do aban li ka le, ko ɓwa mǝnana kǝ gaki girlina ka? Nda ɓwa mǝnana do aban li ka re? Sǝ mim ngga ǝn do aɓalǝ wun kǝla mǝ gau girlina.

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

1 Amǝ Korinti 2:9

Kǝla mǝnana Malǝmce bang ngga, “Kǝ mǝsǝu malaká sǝn ɗang, kiru malaká ok ɗang, yale malaká kutio aɓa ɗenyicau mala kǝɓwa ɗang, gir mǝnana Ɓakuli gilǝkini ace aɓwana mǝnana à kǝ earce ka.”

Amǝ Filipi 1:21

A banam ngga, do nǝ yilǝmu ka nda ace Kǝrǝsti, sǝ ɓǝ̀ ǝn wu ka, ɓoaro kutibanì.

Amǝ Filipi 1:23

Ɓabumam gau ɓari: Eare mem ngga, mǝ nǝ o mǝ nǝ ngga do sǝnǝa Kǝrǝsti, acemǝnana mǝnia ka nda nǝ̀ ɓoaram nǝ̀ kutibanì ka.

2 Bitǝrus 1:11

Anggo ka, sǝ Ɓakuli nǝ̀ mǝnba wun kunɓala wyang ace kutio aɓa Domurǝm mala Mǝtala sǝm andǝ Mǝ'amsǝ sǝm yì Yesu Kǝrǝsti, Domurǝm male mǝnana masǝlǝate pà kàm raka.

2 Bitǝrus 3:14

Ace mani ka, wun amǝ'eamrǝarǝu, mǝno ado wu nda aban kundǝ amǝnia yì agir ɓǝa yiu ka, wu ɓariki wu do aɓa ɓoarnsari, andǝ ɗwanyi cau a rǝǔ, sǝ wu dukdo rǝpwala.

Sǝna 14:13

Pǝlǝa ǝn ok ɓe giu pur nǝ kuli na ama, “Gilǝ cau mǝnia ka: “ ‘Twal ado mǝno ka, tsǝkbu mala Ɓakuli na amur aɓwana mǝnana à wu aɓa dotarǝu malea andǝ Mǝtalabangŋo ka!’ ” Bangŋo mala Ɓakuli kǝ na ama, “E, mǝsǝtacau, à nǝ̀ kum usǝlǝo aɓalǝ aturo malea, acemǝnana aturo mǝɓoarne malea mǝnana à pea ka, à kǝ ongsǝo atea.”

Sǝna 16:15

“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.

Sǝna 7:17

Acemǝnana Mǝgam mana nda a ɓaɓalǝu aban bunomurǝm ngga, nǝ̀ dupia wia yalgir amuria; nǝ̀ kánǝia aban amgbeaɗe mǝnana à pākiyi mur yilǝmu ka. Sǝ Ɓakuli ka nǝ̀ esǝkia wia mǝrǝm kat a mǝsǝia.”