Luka 12:35 - Maləmce Məfele mala Ɓakuli: Kurcau Məbəshe

³⁵ Wu kur rǝwun ace turo, apitǝla ma'wun ɓǝa kǝ ta.

Luka 12:35 ပူးပေါင်းရင်းမြစ်များ

Matiu 25:1

A baku mǝno ka à nǝ̀ kànì Domurǝm mala kuli arǝ ansarina lum mǝnana à twal apitǝla malea sǝ à puro à nǝ̀ ká kullímúr bura-manfela ka.

Matiu 5:16

Anggo sǝ wu nǝ̀ nying tǎlaban ma'wun ɓǝ ta a ɓadǝmbǝ aɓwana ace mǝnana ɓǝa sǝn aturo ɓoarna ma'wun, sǝ ɓǝa gusǝlǝ Tar wun mana a kuli ka.

Luka 12:36

Kǝla aɓwana mǝnana à kǝ kundǝmur mǝtala-ɓala malea ɓǝ̀ nyari ban isǝban ngga. Acemǝnana ɓǝ̀ nyarǝna sǝ yi walkina kunɓala ka, à nǝ̀ lo a kaurǝa, à nǝ̀ mǝnmbi wi.

Amǝ Afisu 6:14

Ace mani ka, wu cam kàngkàng, wu kpata mǝsǝcau kǝla kur rǝǔ nǝ nggur-ɓunu, sǝ wu yal rǝ wun nǝ cauɓoarna kǝla daura-bolo mǝnana amǝ'lwa kǝ oasǝo a kikilia ace mgbali amǝsǝ-nta ka.

Amǝ Filipi 2:15

Anggo ka, wu nǝ̀ duk amuna mala Ɓakuli amǝ ɗwanyi cau a rǝǔ, amǝɓabum ɓoarnsari, andǝa mǝnana à pà nǝ̀ kum kǝ mǝɓane a rǝia raka. Wu nǝ̀ dukdo anggo aɓalǝ aɓwana mala nza mǝ ɗwanyi mǝsǝcau andǝ mǝ kpata njar kiɗiki, mǝnana wu nǝ̀ nggǝ tǎ aɓalǝi kǝla anlero aɓa ɓanza ka.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.