Luka 12:28 - Maləmce Məfele mala Ɓakuli: Kurcau Məbəshe

²⁸ Sǝ ɓǝ̀ anggo sǝ Ɓakuli kǝ ɗenyi nǝ abondo mǝnana à ndya à kǝ sǝnia yalung, sǝ li ka à turnia a bǝsa ka, sǝ nǝ wun? Pà nǝ̀ pakka wun mǝnana kuti malea ka re? Guliarǝu ma'wun kyau fat!

Luka 12:28 ပူးပေါင်းရင်းမြစ်များ

Matiu 14:31

Kara Yesu lǝmndǝ bui bwali sǝ ne wi ama, “We ka, guliarǝu mo kyau fat, palang sǝ a tuti a ɓabumo?”

Matiu 16:8

Yesu yi sǝlǝia wia nǝ cau mǝno à nakiyi ka sǝ ɗia ama, “Palang sǝ wu kǝ na cau arǝarǝ wun amur ɗwanyi bǝredi? Paɓamuru ma'wun kyau fat!

Matiu 17:17

Yesu pǝlǝa na ama, “Wun aɓwana mala nza mala kìɗìkì andǝ amǝ'ɗwanyi paɓamuru aban Ɓakuli! Nǝ̀ ngga ká a ya pwari sǝ mǝ nǝ do ata wun sǝ wu nǝ̀ kànì pak ɓe kǝgir? Nǝ̀ ngga ká a ya pwari sǝ mǝ nggǝ twal gandǝrǝu nǝ ɗwanyi earnǝ cau ma'wun a rǝam? Wu yinǝ mune abanam.”

Matiu 17:20

Yesu nea wia ama: Nda acemǝnana paɓamuru ma'wun ngga gatti. Sǝa ma ǝn nggǝ na wun mǝsǝcau, ɓǝa bangŋa ama wu earnǝ Ɓakuli bǝti kǝla kyauwe mala mǝsǝ musta ka, wu nǝ̀ gandǝ ne mǝnia yì nkono ka ama, “Turî ban mǝnia, o kano” sǝ yì ka, nǝ̀ turó. Ɓe kǝgir pà kàm nǝ̀ gandǝ wun ɗang.

Matiu 6:30

Ɓǝ̀ Ɓakuli kǝ pakki abondo agir-nggurǝu anggo ka, mǝnana à ndakam yalung sǝ li ka à pisǝnia a bǝsa ka, pà nǝ̀ pakka wun agir-nggurǝu mǝnana kuti mǝno ka re? Ma'wun ngga guliarǝu mana wu ndanǝi aban Ɓakuli ka nda ɓiki kyauwe ka!

Matiu 8:26

Sǝ nea wia ama, “Wun ngga, guli ma'wun arǝ Ɓakuli kyau fat. Palang sǝ ɓangciu pakka wun?” Pǝlǝa lo sà arǝ gung andǝ eaki-nkono mala nggeamur. Kara ban pwal atea ɗǝong.

Luka 8:25

Yesu pǝlǝa ɗi alaggana male ama, “Guliarui ma'wun na ke?” Ɓangciu pakkia wia, à ndali pǝlǝa à ɗi rǝarǝia ama, “Ya ɓwa nda man, mǝnana sa arǝ gung andǝ mur, pǝlǝa à oki wi ka!”

Amǝ Ibǝru 6:7

Nzali mǝnana kǝ nu murmbulo mana kǝ nya amuri tutu, sǝ kǝ pusǝ agir-soro, ace pà girlina mala aɓwana mǝnana à kǝ rǝì ka, nǝ̀ kum tsǝkbu mala Ɓakuli amuri.

1 Bitǝrus 1:24

Amur mǝnia ka, à gilǝ ama, “Ɓwapǝndǝa kat ka, à nda kǝla bondo, aɓoarɓwa malea kat ka, à nda kǝla apwasǝo-bondo; bondo kǝ wuli, sǝ pwasǝe kǝ kpa,