Luka 12:17 - Maləmce Məfele mala Ɓakuli: Kurcau Məbəshe

¹⁷ Pǝlǝa ne ɓamuri ama, “Mana do mǝ nǝ pa? Ən panǝ ban mǝnana mǝ nǝ ram girlina mem kam ngga ɗang.

Luka 12:17 ပူးပေါင်းရင်းမြစ်များ

Matiu 16:7

Pǝlǝa alaggana male kutia na cau a rǝarǝia ama, “Bang anggo acemǝnana sǝm yinǝ bǝredi raka.”

Matiu 5:42

Ɓǝ̀ ɓwa zǝmbǝo ka, pe wi, sǝ ɓwa mǝnana yiua ak tangna a buo ka, ce a girì nǝi ɗang.

Luka 10:25

A ɓe kǝ pwari ka, ɓe mǝsǝlǝ Nggurcau mala Musa lo nǝ̀ karǝki Yesu. Pǝlǝa ɗi ama, “Malǝm, mana mǝ nǝ pa sǝ mǝ nǝ kum yilǝmu mǝnana málá male pà kàm raka?”

Luka 11:41

Ɓe wu nǝ̀ pe amǝtǝr agir mǝnana wu ndanǝia ka, ko mana ma'wun kat ka nǝ̀ dupa wun nǝ ɓoarnsari.

Luka 12:16

Pǝlǝa nea wia mǝnia yì kanicau ka ama: Ɓaban mala ɓe mǝkume pusǝ girlina kǝrkǝr.

Luka 12:18

“Mǝnia ka nda gir mǝnana mǝ nǝ pak ka, mǝ nǝ arki abá mem sǝ mǝ nǝ ɓakki amǝgulke, mǝ nǝ so girlina andǝ acili agirkuma mem kam.

Luka 12:22

Yesu pǝlǝa ne alaggana male ama: Ən nggǝ na wun ama ɓabum wun ɓǝ̀ kǝa pi ace gir mǝnana wu nǝ̀ li ace do nǝ yilǝmu, andǝ mǝnana wu nǝ̀ oasǝo a rǝ wun ngga ɗang.

Luka 12:29

Ɓǝ̀ ɓabum wun ɓǝ̀ kǝa pi ace agir mǝnana wu nǝ̀ li ko wu nǝ̀ nu ka ɗang, wu kǝa pak ɗenyicau amuri ɗang.

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 16:3

Mǝɗenyi nǝ agirkuma pak ɗenyicau ama, “Mana ado mǝ nǝ pa? Mǝtala-ɓala mem no nǝ̀ pǝram arǝ turo. Ən panǝ rǝcandǝa mǝ nǝ rikrya ɗang, sǝ kǝsǝkya kǝ pakkam arǝ zǝmnggi agir.

Luka 16:9

Yesu lidǝmbǝa nǝ cau ama: Ən nggǝ bangga wun, wu pak turo nǝ gǝna mala ɓanza, wu bwal agyajam nǝi, ace mǝnana ɓǝ̀ gǝne umna ka, Ɓakuli nǝ̀ ak wun gbal arǝ aɓala mǝnana à pà nǝ̀ kiɗiki raka.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Luka 19:17

Pǝlǝa mǝtala-ɓala male ne wi ama, “Yàwá, mǝturo mem mǝɓoarne! Acemǝnana a lǝmndǝ mǝsǝcau amur mǝnia bǝti ka, a nǝ duk mǝla amur anggea-là lum.”

Luka 3:11

Yohana earia wia ama, “Ɓwa mǝnana kat ndanǝ adaura ɓari ka, ɓǝ̀ nyesǝ ɓe ɓǝ̀ pè ɓwa mǝnana pa nǝi raka. Ɓwa mǝnana nǝ girlina ka, ɓǝ̀ pè aɓwana mǝnana à pa nǝi raka.”

Amǝ Mishan 16:30

Pǝlǝa pusǝia à puro anza, sǝ ɗia ama, “Aɓwana-mǝgule, mana gir ni na mǝ nǝ pa sǝ mǝ nǝ kum amsǝban?”

Amǝ Mishan 2:37

Lang amǝnia yia aɓwana ok anggo ka, cau tǝmia a ɓabumia kǝrkǝr, sǝ à ne Bitǝrus andǝ acilia amǝ'mishan ama, “Amǝ'eam sǝm, mana ɓoaro ɓǝ̀ sǝm pa?”

Amǝ Roma 12:13

Wu kǝ gau gir ma'wun ace bwalia aɓwana mala Ɓakuli mǝnana à nda aɓa tǝle ka; wu kànì ak abǝri.

1 Timoti 6:17

Kwarkir amǝkume mǝnana a ɓanza man ngga, ɓǝa kǝa twalɓamuria ɗang, sǝ ɓǝa kǝa tsǝkɓalǝia arǝ agǝna malea mǝnana à kǝ kuti nǝ kutio ka ɗang. Tsǝkɓalǝu malea ka, ɓǝ̀ do amur Ɓakuli, yì ɓwa mǝnana kǝ pa sǝm nyangsang agir mǝnana kat sǝm nggǝ earce ace banɓoarnado ma'sǝm ngga.

1 Yohana 3:16

Ani sǝ sǝm nǝ̀ surǝ mana nda earcearǝu, yi mǝnana Kǝrǝsti pa yilǝmi ace sǝm ngga. Sǝm gbal ka, ɓoaro ɓǝ̀ sǝm pa yilǝmi sǝm ace amǝ'eam sǝm.