Luka 11:41 - Maləmce Məfele mala Ɓakuli: Kurcau Məbəshe

⁴¹ Ɓe wu nǝ̀ pe amǝtǝr agir mǝnana wu ndanǝia ka, ko mana ma'wun kat ka nǝ̀ dupa wun nǝ ɓoarnsari.

Luka 11:41 ပူးပေါင်းရင်းမြစ်များ

Matiu 26:11

Wu nda atarǝ wun wunǝ amǝtǝr ko a ya pwari ka, sǝ mim ngga pa mǝ nǝ pa ata wun ko a ya pwari ka ɗang.

Matiu 5:42

Ɓǝ̀ ɓwa zǝmbǝo ka, pe wi, sǝ ɓwa mǝnana yiua ak tangna a buo ka, ce a girì nǝi ɗang.

Markus 7:19

Girlina ka kǝ kutio a ɓabum ɓwa ɗang; aɓa munalungye a bumi sǝ kǝ kutio sǝ nǝ̀ ngga pur a nza.” (Mǝnia yì cau Yesu ne ka, lǝmndǝ ama koya girlina ka mǝɓoarnsari na aban Ɓakuli.)

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 16:9

Yesu lidǝmbǝa nǝ cau ama: Ən nggǝ bangga wun, wu pak turo nǝ gǝna mala ɓanza, wu bwal agyajam nǝi, ace mǝnana ɓǝ̀ gǝne umna ka, Ɓakuli nǝ̀ ak wun gbal arǝ aɓala mǝnana à pà nǝ̀ kiɗiki raka.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Luka 19:8

Zaka pǝlǝa lo sǝ ne Mǝtalabangŋo ama, “Mǝtalabangŋo, sǝni, mǝ nǝ gau girkuma mem aɓalǝu, mǝ nǝ pe amǝtǝr kāmbe mwashat, sǝ ɓǝ̀ ǝn mbǝrina kǝɓwa ka, mǝ nǝ nyesǝi ɓwe gir nî kusǝ ine.”

Amǝ Mishan 10:15

Giu nyar ɓaria ama, “Gir mǝnana Ɓakuli gilǝkini ɓoarnansari ka, ce a tunǝi ama gir-ɓeami ɗang.”

Amǝ Mishan 11:29

Pǝlǝa amǝkwaɗi nea rǝia ama, koyan aɓalǝia ka ɓǝ̀ pa ɓoro mana nǝ̀ gandǝi ka, ɓǝa tasǝi ace pa gbasha aban amǝ'eamrǝarǝu mana a nzali Yahudi ka.

Amǝ Mishan 24:17

Anzǝm apǝlǝa pas mǝnana ǝn ɗekina Urǝshalima nǝi ka, ǝn nyare ǝn wario abanì ace mǝnana ɓǝ̀ ǝn nggea pe aɓwana mem aɓoro ace amǝtǝr, sǝ ɓǝ̀ ǝn pâ gir-ɗarǝa aban Ɓakuli.

2 Amǝ Korinti 8:12

Ɓoro mǝnana ɓwa earǝna nǝ ɓabumi mwashat nǝ̀ pà ka Ɓakuli nǝ̀ é, sǝ yì pa ɓoro ka, ɓwa ɓǝ̀ kārǝi arǝ gir mǝnana ndanǝi ka, pà a kun gir mǝnana ɓwa panǝi raka ɗang.

Amǝ Afisu 4:28

Ɓǝ̀ a kǝ iun'i ɗiɗyal ka, nying buo a rǝì. Pak turo mǝɓoarne nǝ abuo, ace mǝnana wu kumo wu pe aɓwana mǝnana à ɗwanyi ka.

Titus 1:15

Aban aɓwana mǝnana bumia pwatpwat ka, ko man ngga mǝ pwatpwati na. Sǝ aban ɓwana mǝnana amǝ bumpǝndǝkia na sǝ amǝ ɓinǝ ak cau na ka, kǝgir pà kàm mǝɓoarne na ɗang. Yale ɗenyicau malea andǝ ɓabumia ka à pǝndǝkina.

Amǝ Ibǝru 13:16

Ɓǝ̀ ɓalǝ wun ɓǝ̀ kǝa lorǝ ce pak mǝɓoarne, andǝ gau gir mǝnana wu ndanǝi ka wunǝ aɓwana ɗang, acemǝnana nǝ ulang amǝno yì aɓoro ka sǝ bum Ɓakuli kǝ pwasǝo.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.