Luka 10:21 - Maləmce Məfele mala Ɓakuli: Kurcau Məbəshe

²¹ Amǝno yì pwari ka, Yesu lumsǝ nǝ bumpwasǝa aɓa Bangŋo Mǝfele sǝ bangŋa ama, “Ən ɓwangsǝkio we Dâ, Mǝtala kuli andǝ nzali, acemǝnana a sǝmbǝrǝ amǝnia yì agir ka arǝ amǝ'sǝle andǝ amǝsurǝe, sǝ a lǝmndǝia aban amuna mǝkeke. E, Dâ, mǝnia ka nda gir mǝnana pwasǝ bumo ka.”

Luka 10:21 ပူးပေါင်းရင်းမြစ်များ

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Matiu 21:16

Pǝlǝa à ɗi Yesu ama, “A nǝ́ nggǝ̀ ok cau mǝnana amuna mǝnia kǝ ne ka?” Earia wia ama, “E, Mǝ nda ǝn nggǝ oea ka, sǝ wun ngga wu ɓalli mbo aɓa Malǝmce mala Ɓakuli ama, “ ‘À tsǝk ɓwangsǝkiban a kun amuna mǝkeke andǝ abangna-muna?’ ”

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Markus 10:15

Ən nggǝ bangga wun ɓafo, ɓwa mǝnana pà nǝ̀ ak domurǝm mala Ɓakuli kǝla muna mǝkyauwe raka, pà nǝ̀ kuti kam ɗang.”

Luka 15:5

Sǝ ɓǝ̀ kumǝni ka, nǝ banɓoarnado sǝ nǝ̀ twali a kwari,

Luka 15:9

Sǝ ɓǝ̀ kumǝni ka, nǝ̀ tunǝ agyansari male andǝ amǝkunɓala nǝ̀ nea wia ama, “Wu bwalam pak banɓoarnado! Ən kumǝna boalo mem mǝnana ɓwàr ka.”

Yohana 11:41

Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga.

2 Amǝ Korinti 4:3

Sǝ ɓǝ̀ Cau Amsǝban mǝnana sǝm nggǝ hamnǝi ka, sǝmbǝrǝa anzǝm lagir ka, sǝmbǝrǝi aɓwana mǝnana à kǝ ká kiɗiki ka.

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:5

Ɓakuli ak dǝmbǝa ɗiɗyal kànì a bumi ama, nǝ̀ pa sǝm bancame mala duk amuni nǝ bu Yesu Kǝrǝsti. Mǝnia ka nda earkiyi ce, sǝ ban kǝ ɓoari wi a rǝì ka.