Luka 1:79 - Maləmce Məfele mala Ɓakuli: Kurcau Məbəshe

⁷⁹ ace pà tǎlaban aban aɓwana mǝnana à do aɓa pǝndǝa andǝ yinggǝli lú ka, ace yal kusǝ sǝm aɓa ká tanjar mala dorǝpwala.

Luka 1:79 ပူးပေါင်းရင်းမြစ်များ

Matiu 4:16

Aɓwana mǝnana à do a pǝndǝa ka, à sǝna tǎlaban mǝgule. Yì aɓwana mǝnana à do a yinggǝli lú ka, tǎlaban sulǝna a bania.”

Luka 2:32

Tǎlaban na ace mǝn mǝsǝ aɓwana mala acili anzali, sǝ aban aɓwana mo amǝ Isǝrayila ka gulo na.”

Yohana 1:9

Tǎlaban mǝ'mǝsǝcau nì, mǝnana kǝ ta aban ɓwapǝndǝa kat ka, ndo kǝ yiu a ɓanza ka.

Yohana 12:46

Ən yiu kǝla tǎlaban ace pa tǎlaban aɓa pǝndǝa mala ɓanza man, ace mǝnana ɓwa mana kat pà ɓamuri abanam ngga, ɓǝ̀ kǝa ueo aɓa pǝndǝa ɗang.

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Yohana 9:5

Ado mǝnana mǝ nda a ɓanza ka, mǝ nda tǎlaban mala ɓanza.”

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 26:18

ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Roma 3:17

Yia ka à surǝ njar mala dorǝpwala ɗang.”

Amǝ Afisu 5:8

Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.