Luka 1:59 - Maləmce Məfele mala Ɓakuli: Kurcau Məbəshe

⁵⁹ A tongno-nong-tāruia nongŋo ka, à yiu ace kasǝî muna ɓate. À earce ama à nǝ̀ tsǝki wi lullǝ tarrí Zakariya.

Luka 1:59 ပူးပေါင်းရင်းမြစ်များ

Luka 2:21

A tongno-nong-tāruia nongŋo, pwari mǝnana à nǝ̀ kasǝi wi ɓate ka, à tsǝki wi lullǝu ama Yesu, lullǝu mǝnana mǝturonjar pe wi sǝ yi kpa a bum ngge ka.

Amǝ Mishan 7:8

Pǝlǝa Ɓakuli pe Ibǝrayim kurcau mala kasǝ ɓatau. Anggo, lang Ibǝrayim ɓǝlna Ishaku ka, kasǝi wi ɓate a tongno-nong-tāruia nongŋo. Ishaku ɓǝl Yakupu, sǝ Yakupu yì ɓǝl aká sǝm mǝnana lum-nong-ɓari ka.

Amǝ Filipi 3:5

Acemǝnana à kasǝam ɓatam a tongno-nong-tāruia nongŋo mem nǝ ɓǝlam, mǝ nda ɓwa Isǝrayila, a tau mala Benjami, ɓwa Yahudi mǝɓafoe. Sǝ ɓǝ̀ nda ace kpata Nggurcau mala Musa ka, mǝ nda ɓwa Farisi, mǝnana à ndanǝ bumpina arǝ kpata Nggurcau ka.