Luka 1:45 - Maləmce Məfele mala Ɓakuli: Kurcau Məbəshe

⁴⁵ A ndanǝ tsǝkbu mala Ɓakuli, ace eare mǝnana a ear ama, cau mala Mǝtalabangŋo abano ka, nǝ̀ yia lumsǝo.

Luka 1:45 ပူးပေါင်းရင်းမြစ်များ

Luka 1:20

Sǝ ado ka, acemǝnana a earnǝ cau mem raka, mǝnana nǝ̀ yia duk mǝsǝcau a pwari male ka, kuno girna; a pa wu nǝ na cau ɗang, she pwari mǝnana amǝnia yì agir dumǝna mǝsǝia ka.”

Luka 1:44

Lang ǝn ok makkun mo ka, muna mǝnana a bumam ngga yàl nǝ banɓoarnado.

Luka 1:48

acemǝnana yì ka, ɗenyina nǝ mim, guro male kat andǝ amani ama ǝn pa a kun kǝgir raka! Twal ado aban o a dǝmbǝa ka, aɓwana arǝ anza kat à nǝ̀ tunǝam ama mǝ'kúm tsǝkbu mala Ɓakuli.

Yohana 11:40

Yesu banggi wi ama, “Ən no nǝma ɓǝ̀ a earnǝ mim ngga a nǝ sǝn gulo mala Ɓakuli re?”

Yohana 20:29

Yesu pǝlǝa ne wi ama, “Nda acemǝnana a sǝnǝnam ngga, sǝ a nǝ earnǝ mim le? Aɓwana mǝnana à sǝnam raka, sǝ à ak cau mem nǝ ɓabumia kat ka, à ndanǝ tsǝkbu mala Ɓakuli!”