Luka 1:41 - Maləmce Məfele mala Ɓakuli: Kurcau Məbəshe

⁴¹ Lang Alisabatu ok makkun mala Maryamu ka, muna mǝnana a bumi ka yàl hǝrkit, sǝ Alisabatu lumsǝ nǝ Bangŋo Mǝfele.

Luka 1:41 ပူးပေါင်းရင်းမြစ်များ

Luka 1:15

Mǝnia yì muna ka, nǝ̀ duk ɓwamǝgule a ɓadǝm Mǝtalabangŋo. Ɓǝ̀ kǝa nu mba ko ɓe kǝgir mǝnana nǝ̀ walban ngga ɗang. Yì ka, nǝ̀ lumsǝ nǝ Bangŋo mala Ɓakuli, a bum ngge.

Luka 1:40

Kya kutio a ɓala mala Zakariya, pǝlǝa makki Alisabatu kun.

Luka 1:42

Sǝ loasǝ gi kǝrkǝr, banɓoarnado ci na ama: A ndanǝ tsǝkbu mala Ɓakuli aɓalǝ amamǝna, sǝ muna mǝnana a nǝ ɓǝl ka, ndanǝ tsǝkbu mala Ɓakuli gbal!

Luka 1:44

Lang ǝn ok makkun mo ka, muna mǝnana a bumam ngga yàl nǝ banɓoarnado.

Luka 1:67

Zakariya, tar Yohana ka lumsǝ nǝ Bangŋo Mǝfele. Pǝlǝa ɓangnǝ ɓangna, bangcau mala Ɓakuli, ama:

Luka 4:1

Yesu lumsǝ nǝ Bangŋo Mǝfele, nyari Nggeasala Jodan ngga, Bangŋo mala Ɓakuli um nǝi a ɓabondo.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 4:8

Sǝ Bitǝrus ka, lumsǝ nǝ Bangŋo Mǝfele, pǝlǝa nea wia ama: Wun amǝtala la andǝ aɓwana-mǝgule ma'sǝm!

Amǝ Mishan 6:3

Ace mani ka, wun amǝ'eamrǝarǝu, wu tarki aɓwana tongno-nong-ɓari aɓalǝ wun, amǝnana à kǝ ɓwangsǝia, ɗǝm ngga à lumsǝ nǝ Bangŋo mala Ɓakuli, andǝ sǝlǝe, mǝnana sǝm nǝ̀ pea wia mǝnia yì turo ka.

Amǝ Mishan 7:55

Sǝ Itǝfanu ka, lumsǝ nǝ Bangŋo Mǝfele, pǝlǝa loasǝ mǝsǝì a kuli, sǝn ɓoarɓwa mala Ɓakuli andǝ Yesu aban came a bu mǝli mala Ɓakuli.

Amǝ Mishan 9:17

Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

Amǝ Afisu 5:18

Wu kǝa wal-walo mùr-anap ɗang, acemǝnana nǝ̀ ká nǝ wun a do kiɗìkì. Wu lumsǝ nǝ Bangŋo mala Ɓakuli akuni.

Sǝna 1:10

A pwari mǝnana à tarì ace Mǝtalabangŋo ka, Bangŋo mala Ɓakuli em, kara ǝn ok ɓe kǝ giu mǝcande kǝla ɓua mala njawe, a nzǝmam.