Luka 1:32 - Maləmce Məfele mala Ɓakuli: Kurcau Məbəshe

³² Nǝ̀ duk ɓwamǝgule, sǝ à nǝ̀ tunǝi ama Muna mala Ɓakuli mana Karban nǝ Gulo kat ka. Mǝtalabangŋo Ɓakuli nǝ̀ pe wi bunomurǝm mala kè Dauda.

Luka 1:32 ပူးပေါင်းရင်းမြစ်များ

Matiu 1:1

Aɓa malǝmce ka tau mǝnana Yesu Kǝrǝsti, Mǝkà Dauda, Mǝkà Ibǝrayim, pur kam ngga ndya ka:

Matiu 12:42

A pwari ɓashi ka Mamurǝm mala amǝ Sheba nǝ̀ lo nǝ̀ mak amǝ nza man; acemǝnana pur a ɓe nzali kuko sǝ yiu ace ok sǝlǝe mala Solomon; sǝ ɓwa mǝnana kuti Solomon ngga ndakani.

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Markus 14:61

Sǝ Yesu ka duk kuni piu, na kǝ cau ɗang. Nyare pǝris mǝgule ɗi ama, “A nda Kǝrǝsti, yì Muna mala Ɓakuli le?”

Markus 5:7

Mak'zwalo bang-bang na ama, “Yesu, Muna mala Ɓakuli mana Karban Kat ka! Mana a kǝ earce pak nǝ mim? Ən zǝmbǝo nǝ lullǝ Ɓakuli ama kǝa pam tanni ɗang!”

Luka 1:15

Mǝnia yì muna ka, nǝ̀ duk ɓwamǝgule a ɓadǝm Mǝtalabangŋo. Ɓǝ̀ kǝa nu mba ko ɓe kǝgir mǝnana nǝ̀ walban ngga ɗang. Yì ka, nǝ̀ lumsǝ nǝ Bangŋo mala Ɓakuli, a bum ngge.

Luka 1:35

Mǝturonjar eari wi ama, “Bangŋo mala Ɓakuli nǝ̀ sulǝ a muro. Rǝcandǝa mala Ɓakuli mana Karban nǝ Gulo kat ka, nǝ̀ yia zuppi a muro, sǝ Muna Mǝfele mǝnana a nǝ ɓǝli ka, à nǝ̀ tunǝi ama, Muna mala Ɓakuli.

Luka 1:76

Sǝ we munem ngga, à nǝ̀ tunǝo ama mǝɓangna mala Ɓakuli mana Karban nǝ Gulo kat ka. A nǝ aki Mǝtalabangŋo dǝmbǝa, ace gilǝki wi atanjar male,

Luka 3:16

Pǝlǝa Yohana earia wia kat ama, “Ən nggǝ pakka wun batisǝma nǝ mur. Sǝ ɓeɓwa nakam kutiam nǝ gulo, nda nǝ̀ yiu ka. Anggur-nkura male ka, ǝn kārǝa mǝ nǝ panzǝia ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Luka 6:35

Wun ngga, wu earce aɓi wun amǝbura, wu pakkia wia mǝɓoarne. Wu pea wia tangna, sǝ wu kǝa tsǝkɓalǝu ama à nǝ̀ mbwe wun ɗang. Sǝ tangnakusǝ wun nǝ̀ gulo, sǝ wu nǝ̀ duk amuna mala Tar wun Ɓakuli mǝnana Karban nǝ Gulo kat ka. Acemǝnana yì ka, kǝ lǝmndǝ ɓwamuru male, ko aban amǝtǝmbu andǝ amǝ'ɓealɓikea.

Yohana 12:34

Ɓwabunda pǝlǝa ne Yesu ama, “Sǝm ok aɓa Nggurcau mala Musa ama, Kǝrǝsti ka nǝ̀ dum nǝ yilǝmu mǝnana málá male pà kàm raka. Sǝ lang sǝ a na ama, ‘Dumǝna púp, à nǝ̀ loasǝ Muna mala Ɓwa amur nggun-gangndi?’ Yana ɓwe nda man yì ‘Muna mala Ɓwa’ ka?”

Yohana 6:69

Sǝ adyan ngga sǝm pànà ɓamur sǝm, sǝ sǝm sǝlǝna ama a nda kǝ Mǝfele mǝnana pur aban Ɓakuli ka.”

Amǝ Mishan 16:17

Nsari man kǝ gya ata sǝm sǝnǝa Bulǝs, kǝ loasǝban, kǝ na ama, “Aɓwana mǝnia ka, à ndaka ɓwana mala Ɓakuli mana Karban kat ka! À nda aban hamba wun njar mana wu nǝ̀ kum auwa nǝi ka!”

Amǝ Mishan 2:30

Sǝ acemǝnana yì ka, mǝɓangna mala Ɓakuli na ka, surǝna rǝ cau mǝnana Ɓakuli banggi wi nǝ kángir ama, nǝ̀ tsǝk mwashat ata amǝkè ɓǝ̀ do a bunomurǝm male ka.

Amǝ Mishan 2:36

Ace mani ka, aɓwana mala amǝ Isǝrayila kat, ɓǝa sǝlǝa nǝ mǝsǝcau ama, Yesu mǝnana wu gballì amur nggun-gangndi ka, nda ɓwa mǝnana Ɓakuli ci ɓǝ̀ do nda Mǝtalabangŋo, sǝ nda Kǝrǝsti, Mǝ'amsǝban ngga!

Amǝ Mishan 7:48

Kat andǝ amani ka, Ɓakuli mana Gulo Karban kat ka, kǝ do a ɓala mǝnana ɓwapǝndǝa nǝ̀ ɓak ka ɗang. Kǝla mǝnana mǝ ɓangna mala Ɓakuli bangŋa ama,

Amǝ Roma 1:4

Sǝ à yì lǝmndǝí, Muna mala Ɓakuli na, nǝ loasǝo mǝnana à loasǝi a ɓembe nǝ rǝcandǝa mala Bangŋo Mǝfele ka. Yì nda Yesu Kǝrǝsti Mǝtala sǝm.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.