Jemis 5:9 - Maləmce Məfele mala Ɓakuli: Kurcau Məbəshe

⁹ Wun amǝ'eamrǝarǝu, wu kǝa nggwani arǝarǝ wun ɗang, acemǝnana Ɓakuli ɓǝ̀ kǝa ɓasha wun ɗang. Wu sǝni! Mǝɓashi na aban came a kunkurǝm!

Jemis 5:9 ပူးပေါင်းရင်းမြစ်များ

Matiu 24:33

Ana gbal, ɓǝ̀ wu sǝna amǝnia yì agir ka, wu sǝlǝ ama pwari gbashina, nda kun ɓala tu.

Markus 13:29

Ana gbal ɓǝ̀ wu sǝn amǝnia yia agir à nǝ̀ nggǝ pakki ka, wu sǝlǝ ama yiu mem gbashina, nda a nggearǝ kunɓala.

Markus 6:19

Nda gir nî sǝ Hirǝdiya bwal Yohana a bumi, kǝ earce wal-lui ka, sǝ ɓǝ̀ pà nǝ́ eare mala Hirǝdus raka, pà nǝ̀ gandǝ pakki wi kǝgir ɗang.

1 Amǝ Korinti 10:11

Amǝnia yì agir kumia ka, à dumǝna sǝm agirkani, sǝ à gilǝia ace nunkir sǝm, sǝm mǝnana ado masǝlǝata anza yina amur sǝm ngga.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

2 Amǝ Korinti 9:7

Koyan ngga ɓǝ̀ pà gir mǝnana kasǝi a ɓabumi nǝ̀ pà ka. Wu kǝa pà nǝ ɓukibum, ko kǝla à tsǝk wun pup ɗang, acemǝnana Ɓakuli kǝ earce ɓwa mǝnana kǝ pabu nǝ bumpwasǝa ka.

Amǝ Galati 5:14

Nggearǝ anggurcau kat mǝnana Ɓakuli pâ ka, à ci kat aɓa mǝnia yì nzongcau mwashat mana ama: “Earce ɓeo mǝkunɓala kǝla mǝnana a earce ɓamuro ka.”

Amǝ Galati 5:26

Ɓǝ̀ sǝm ngga gusǝlǝ mur sǝm, ko ɓǝ̀ sǝm nggǝ altacau arǝarǝ sǝm, ko ɓǝ̀ sǝm nggǝ pak mɓali arǝarǝ sǝm ɗang.

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

Jemis 4:12

Ɓakuli na nǝmurǝì pākiyi nggurcau ka, sǝ kǝ yì nda mǝɓashi, yì nda kǝ ɓwa mǝnana ndanǝ rǝcandǝa mala amsǝban ko kiɗikiban ngga. Sǝ we ka, a nda yana mǝnana a nǝ ɓashi ɓio ka?

Jemis 5:10

Wun amǝ'eamrǝarǝu, wu ɗenyi nǝ amǝ'ɓangna mala Ɓakuli mǝnana à yì bang cau aɓa lullǝ Mǝtalabangŋo ka. Ɓǝ̀ domunyi malea aɓa gandǝrǝu aɓata tanni dupa sǝm gir kani.

Jemis 5:7

Wun amǝ'eamrǝarǝu, wu dum nǝ munyi ba pwari mǝnana Yesu Mǝtalabangŋo nǝ̀ yiu nǝi ka. Wu sǝn domunyi mala mǝ'rya mǝnana kǝ pa aban kundǝ mbulo dǝmbǝa andǝ masǝlǝata mbulo ka. Kǝ dum nǝ tsǝkɓalǝu ace agir ɓaban ɓǝa pa ɓǝlea mǝɓoarne.

1 Bitǝrus 4:5

sǝ yia ka, à nǝ̀ ngga bǝl kunia aban Ɓakuli mǝnana angŋa dǝmbǝa gilǝna rǝì ace pakki aɓwana mǝnana nǝ yilǝmu andǝ alú ka ɓashi.

1 Bitǝrus 4:9

Wu ak rǝarǝ wun arǝ aɓala ma'wun, nggwani ɓǝ̀ kǝa pàk kàm ɗang.

Sǝna 3:20

Sǝni! Mǝ ndya ǝn came a kunkurǝm ǝn nggǝ pak kou ka! Ɓwa mǝnana kat ok giem sǝ mǝn kunkurǝm ngga, mǝ nǝ kutio ate, sǝ sǝm nǝ̀ lili a tarǝ sǝm sǝnǝi, kǝla agyajam.