Jemis 5:20 - Maləmce Məfele mala Ɓakuli: Kurcau Məbəshe

²⁰ Wu sǝlǝ ama ɓwa mǝnana nyesǝ mǝ'cauɓikea a tanjar ka, nǝ̀ amsǝ yilǝmi mǝ'cauɓikea man aɓa lú, sǝ nǝ̀ tsǝa Ɓakuli nǝ̀ twalban acauɓikea pas.

Jemis 5:20 ပူးပေါင်းရင်းမြစ်များ

Yohana 5:24

Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.

Amǝ Roma 11:14

Aɓa mǝno anggo ka, ǝn nggǝ earce nǝma, ɓǝ̀ nǝ̀ gandǝ pa ka, mǝ nǝ tsǝk amǝ Isǝrayila, aɓwana mem aɓa nggūrǝu, ɓǝa dum nǝ mɓali mala kum gir mana wu ndanǝi ka, acemǝnana ɓǝ̀ ǝn amsǝ aɓwana aɓalǝia.

1 Amǝ Korinti 1:21

Ɓakuli aɓa sǝlǝe male ka, tsǝa ɓanza gandǝ surǝì nǝ malea yì sǝlǝe ɗang. Kǝcau mǝnana sǝm hamnǝi, sǝ aɓwana nyesǝi gǝmi na ka, kǝ nda Ɓakuli amsǝna aɓwana mǝnana à pà ɓamuria abani nǝi ka.

1 Amǝ Korinti 9:22

Aɓalǝ aɓwana mǝnana à panǝ rǝcandǝa raka, ǝn do kǝla mwashat aɓalǝia, ace mǝnana ɓǝ̀ ǝn nunnia aban Yesu. A masǝlǝate ka ǝn duk koya gir ka aban aɓwana kat, ace mǝnana ɓǝ̀ ǝn amsǝ aɓwana aɓalǝia a koya njar mǝnana nǝ̀ gandǝ pak ka.

1 Timoti 4:16

Tsǝk kiro arǝ do andǝ kanigir mo. Lidǝmbǝa aɓa mǝnia ka, acemǝnana ɓǝ̀ a pa anggo ka, a wu nǝ amsǝ ɓamuro andǝ aɓwana mǝnana à kǝ oeo ka.

Filimon 1:19

Mim Bulǝs ka, mǝ nǝ̀ gilǝkiyi mǝnia yì cau ka nǝ buam. Mǝ nǝ mbweo, yale ɓǝa kǝa bang cau mala yilǝmio mǝnana ǝn nggǝ kpato tangne ka ɗang.

Jemis 1:15

Sǝ ɓǝ̀ suno gongŋǝna ka kǝ ɓǝl aturo mala cauɓikea, sǝ ɓǝ̀ cauɓikea gulna ka nǝ̀ ɓǝl lú.

Jemis 1:21

Ace mani ka wu bwaki bu wun arǝ anggaman aɓealɓikea kat sǝ wu ak cau mala Ɓakuli mǝnana à pandǝa a ɓabum wun, mǝnana nǝ̀ amsǝ wun ngga, nǝ nyesǝmuru.

Jemis 5:15

Sǝ hiwi mǝnana à pe nǝ ɓabum mwashat ka, nǝ̀ amsǝ mǝrǝkwana ɓǝ̀ nggūrǝi ɓǝ̀ pwalo. Mǝtalabangŋo ka nǝ̀ loasǝi aɓa rǝpina male, sǝ ɓǝ̀ pak cauɓikea ka à nǝ̀ twali wi banì.

Jemis 5:19

Wun amǝ'eambǝam, ɓǝ̀ kǝ ɓwa aɓalǝ wun ɓwarki tanjar mala Ɓakuli, wu nyesǝi a tanjar.

1 Bitǝrus 4:8

Gir mǝnana kutibanì kat ka, wu lidǝmbǝa nǝ lǝmndǝì arǝ wun earcearǝu mǝlime, acemǝnana earcearǝu ka, kǝ gír múr acauɓikea pas.

Sǝna 20:6

Amǝnia yia aɓwana à kum kāmbe aɓa lo a ɓembe nǝ yilǝmu a dǝmbe ka, à ndanǝ tsǝkbu mala Ɓakuli, sǝ yia ka amǝfele na. Ɓaria lú pà nǝ rǝcandǝa amuria ɗang. A kúnì ka, à nǝ̀ duk apǝris mala Ɓakuli andǝ mala Kǝrǝsti, sǝ à nǝ̀ duk amurǝma ata Kǝrǝsti arǝ apǝlǝa á-mwashat.