Jemis 5:13 - Maləmce Məfele mala Ɓakuli: Kurcau Məbəshe

¹³ Kǝ ɓwa aɓalǝ wun kǝ tanni le? Ɓwe ɓǝ̀ pak hiwi. Kǝ ɓwa na aɓa bumpwasǝa? Ɓwe ɓǝ̀ tu nggyal ɓwangsǝki Ɓakuli.

Jemis 5:13 ပူးပေါင်းရင်းမြစ်များ

Matiu 26:30

Lang à tuna nggyal ka, à puro à o a nkono mala anggun Olif.

Luka 22:44

Sǝ acemǝnana nda aɓa bumkiɗikea mǝgule ka, kutio arǝ hiwi nǝ rǝcandǝa. Piban mǝnana pur a rǝì ka kǝ surkio kǝla nkila.

Luka 23:42

Pǝlǝa na ama, “Yesu, ɗenyi nǝ mim ɓǝa kutina a Domurǝm mo ka.”

1 Amǝ Korinti 14:15

Sǝ ado ka, mana mǝ nǝ pa? Mǝ nǝ pak hiwi nǝ bangŋo mem, sǝ mǝ nǝ pak hiwi nǝ ɗenyicau mem gbal. Mǝ nǝ tu'nggyal nǝ bangŋo mem, sǝ mǝ nǝ tu'nggyal gbal nǝ acau mǝnana ǝn bwalta ɓalǝia ka.

1 Amǝ Korinti 14:26

Wun amǝ'eamrǝarǝu, ɓa cau mǝnana ǝn nakiyi ka ndya ka. Ɓǝ̀ wu yi dapina abanɓwáná aban peri ka, aɓea ɓwana ka nggyal na à nǝ̀ tù ka. Aɓea ka gir na à ndanǝi à nǝ̀ kani ikǝlisiya ka. Aɓea ɓwana man ngga causǝna na Ɓakuli lǝmndǝia wia aɓa bangŋo à nǝ̀ ne ikǝlisiya ka. Aɓea aɓwana ka à nǝ̀ bangcau nǝ akún-takuli. Aɓea ɓwana ka à nǝ̀ bǝlki ɓalǝ acau mǝnana à nea nǝ akún-takuli ka. Sǝa ma koya gir à pe kat ka, ɓǝa pe ace ɓak ikǝlisiya.

Amǝ Afisu 5:19

Wu kǝ nea arǝ wun cau nǝ anggyal peri aban Ɓakuli, andǝ anggyal ɓwangsǝki Ɓakuli, andǝ anggyal nǝ Bangŋo mala Ɓakuli. Wu kǝ ɓwangsǝ Mǝtalabangŋo a ɓabum wun nǝ agí zangŋan.

Amǝ Ibǝru 5:7

Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.

Jemis 5:10

Wun amǝ'eamrǝarǝu, wu ɗenyi nǝ amǝ'ɓangna mala Ɓakuli mǝnana à yì bang cau aɓa lullǝ Mǝtalabangŋo ka. Ɓǝ̀ domunyi malea aɓa gandǝrǝu aɓata tanni dupa sǝm gir kani.

Sǝna 14:3

Aɓwana mǝno á-gbǝman mwashat nǝ á-lumi-ine bwamdǝ ine ka, à ndarǝ tu bǝsa nggyal a ɓadǝm bunomurǝm, andǝ ɓadǝm agiryilǝmu ine andǝ aɓwana-mǝgule. Kǝ ɓwa pà kàm gandǝ kani mǝno yì nggyal ka ɗang, she kǝ yia mǝno á-gbǝman mwashat nǝ á-lumi-ine bwamdǝ ine, mǝnana à akmuria aɓa ɓanza ka.

Sǝna 7:10

À loasǝ gia kpǝm à kǝ na ama, “Amsǝban ngga kǝ yiu nǝban Ɓakuli ma'sǝm, mǝnana do amur bunomurǝm ngga, sǝ nǝban Yesu Mǝgam!”