Jemis 5:10 - Maləmce Məfele mala Ɓakuli: Kurcau Məbəshe

¹⁰ Wun amǝ'eamrǝarǝu, wu ɗenyi nǝ amǝ'ɓangna mala Ɓakuli mǝnana à yì bang cau aɓa lullǝ Mǝtalabangŋo ka. Ɓǝ̀ domunyi malea aɓa gandǝrǝu aɓata tanni dupa sǝm gir kani.

Jemis 5:10 ပူးပေါင်းရင်းမြစ်များ

Luka 13:34

Wun amǝ Urǝshalima! Wun amǝ Urǝshalima! Wun mǝnana wu kǝ wal-lú amǝ'ɓangna mala Ɓakuli ka. Aɓwana mǝnana à turia aban wun ngga wu kǝ ɓukkia nǝ atali, ɓǝa wu. Kusǝ shen Mǝ nda ban earce ram wun aban mǝ'mwashati, kǝla mǝnana nggu kǝ ramnggi amuni aɓa mkpamtari ka, sǝ wu ear ɗang.

Luka 6:23

Wu pak bumpwasǝa a mǝno yì pwari ka, wu yalke nǝ banɓoarnado, acemǝnana a kuli ka tangnakusǝ wun ngga mǝgule na. Anggo sǝ atárria pakki amǝ'ɓangna mala Ɓakuli.

Amǝ Mishan 3:21

Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

Amǝ Ibǝru 13:7

Wu ɗenyi nǝ aɓwana-mǝgule ma'wun mǝnana à kania wun cau mala Ɓakuli ka. Wu ɗenyi nǝ agir mǝɓoarne mǝnana à pur aɓa do malea ka, sǝ wu twal kusǝ kǝ paɓamuru malea.

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

Jemis 5:13

Kǝ ɓwa aɓalǝ wun kǝ tanni le? Ɓwe ɓǝ̀ pak hiwi. Kǝ ɓwa na aɓa bumpwasǝa? Ɓwe ɓǝ̀ tu nggyal ɓwangsǝki Ɓakuli.

Jemis 5:7

Wun amǝ'eamrǝarǝu, wu dum nǝ munyi ba pwari mǝnana Yesu Mǝtalabangŋo nǝ̀ yiu nǝi ka. Wu sǝn domunyi mala mǝ'rya mǝnana kǝ pa aban kundǝ mbulo dǝmbǝa andǝ masǝlǝata mbulo ka. Kǝ dum nǝ tsǝkɓalǝu ace agir ɓaban ɓǝa pa ɓǝlea mǝɓoarne.

Jemis 5:9

Wun amǝ'eamrǝarǝu, wu kǝa nggwani arǝarǝ wun ɗang, acemǝnana Ɓakuli ɓǝ̀ kǝa ɓasha wun ɗang. Wu sǝni! Mǝɓashi na aban came a kunkurǝm!